Πομπήϊος

Lines

1.1 – 2.2 2.3 – 3.1 3.2 – 4.3 4.4 – 5.2 6.1 – 7.1 7.2 – 8.3 8.4 – 9.2 9.3 – 10.4 10.5 – 11.3 11.4 – 12.4 12.5 – 13.4 13.5 – 14.3 14.4 – 15.2 15.3 – 16.4 16.5 – 17.4 18.1 – 19.2 19.3 – 20.1 20.2 – 21.2 21.3 – 22.3 22.4 – 23.2 23.3 – 24.2 24.3 – 24.7 24.8 – 25.5 25.6 – 26.4 27.1 – 28.1 28.2 – 29.2 29.3 – 30.3 30.4 – 31.2 31.3 – 32.1 32.2 – 32.6 32.7 – 33.2 33.3 – 34.1 34.2 – 35.2 35.3 – 36.4 36.5 – 37.3 38.1 – 39.2 39.3 – 40.4 40.5 – 41.3 41.4 – 42.3 42.4 – 43.2 43.3 – 45.1 45.2 – 46.1 46.2 – 46.5 47.1 – 47.5 47.6 – 48.5 48.6 – 49.3 49.4 – 50.2 51.1 – 51.6 52.1 – 53.1 53.2 – 53.6 53.7 – 54.3 54.4 – 55.3 55.4 – 56.2 56.3 – 57.4 57.5 – 58.4 58.5 – 59.4 60.1 – 60.5 61.1 – 62.1 62.2 – 63.2 64.1 – 64.4 65.1 – 65.5 66.1 – 66.5 67.1 – 67.5 67.6 – 68.4 68.5 – 69.4 69.5 – 70.4 71.1 – 71.6 72.1 – 73.1 73.2 – 73.6 73.7 – 75.1 75.2 – 76.3 76.4 – 77.2 77.3 – 78.3 78.4 – 80.1 80.2 – 80.6

İngilizce Yunanca

30.4 τὸν δῆμον φοβηθέντες ἐξέλιπον καὶ κατεσιώπησαν οἱ λοιποί, Κάτλος δὲ τὸν νόμου πολλὰ κατηγορήσας καὶ τοῦ δημάρχου, μηδένα δὲ πείθων, ἐκέλευε τὴν βουλὴν ἀπὸ τοῦ βήματος κεκραγὼς πολλάκις ὄρος ζητεῖν, ὥσπερ οἱ πρόγονοι, καὶ κρημνόν, ὅπου καταφυγοῦσα διασώσει τὴν ἐλευθερίαν.

30.5 ἐκυρώθη δʼ οὖν ὁ νόμος, ὡς λέγουσι, πάσαις ταῖς φυλαῖς, καὶ κύριος ἀποδέδεικτο μὴ παρὼν ὁ Πομπήϊος ἁπάντων σχεδὸν ὧν ὁ Σύλλας ὅπλοις καὶ πολέμῳ τῆς πόλεως κρατήσας. αὐτὸς δὲ δεξάμενος τὰ γράμματα καὶ πυθόμενος τὰ δεδογμένα, τῶν φίλων παρόντων καὶ συνηδομένων, τὰς ὀφρῦς λέγεται συναγαγεῖν καὶ τὸν μηρὸν πατάξαι καὶ εἰπεῖν ὡς ἂν βαρυνόμενος ἤδη καὶ δυσχεραίνων τὸ ἄρχειν φεῦ τῶν ἀνηνύτων ἄθλων,

30.6 ὡς ἄρα κρεῖττον ἦν ἕνα τῶν ἀδόξων γενέσθαι, εἰ μηδέποτε παύσομαι στρατευόμενος μηδὲ τὸν φθόνον τοῦτον ἐκδὺς ἐν ἀγρῷ διαιτήσομαι μετὰ τῆς γυναικός. ἐφʼ οἷς λεγομένοις οὐδʼ οἱ πάνυ συνήθεις ἔφερον αὐτοῦ τὴν εἰρωνείαν, γινώσκοντες ὅτι τῆς ἐμφύτου φιλοτιμίας καὶ φιλαρχίας ὑπέκκαυμα τὴν πρὸς Λεύκολλον ἔχων διαφορὰν μειζόνως ἔχαιρεν.

31.1 ἀμέλει δὲ καὶ τὰ ἔργα ταχέως αὑτὸν ἀπεκάλυπτε, πανταχοῦ γὰρ ἐκτιθεὶς διαγράμματα τοὺς στρατιώτας ἀνεκαλεῖτο καὶ μετεπέμπετο τοὺς ὑπηκόους δυνάστας καὶ βασιλεῖς ὡς ἑαυτόν, ἐπιών τε τὴν χώραν οὐδὲν ἀκίνητον εἴα τῶν ὑπὸ τοῦ Λευκόλλου γεγονότων, ἀλλὰ καὶ κολάσεις ἀνῆκε πολλοῖς καὶ δωρεὰς ἀφείλετο καὶ πάντα ὅλως ἔπραττεν ἐπιδεῖξαι τὸν ἄνδρα φιλονεικῶν τοῖς θαυμάζουσιν οὐδενὸς ὄντα κύριον.

31.2 ἐγκαλοῦντος δʼ ἐκεῖνον διὰ τῶν φίλων, ἔδοξε συνελθεῖν εἰς ταὐτό· καὶ συνῆλθον περὶ τὴν Γαλατίαν. οἷα δὲ μεγίστων στρατηγῶν καὶ μέγιστα κατωρθωκότων δάφναις ἀνεστεμμένας ἔχοντες ὁμοῦ καὶ τὰς ῥάβδους οἱ ὑπηρέται ἀπήντων ἀλλὰ Λεύκολλος μὲν ἐκ τόπων χλοερῶν καὶ κατασκίων προσῄει, Πομπήϊος δὲ πολλὴν ἄδενδρον καὶ κατεψυγμένην ἔτυχε διεληλυθώς.

← Previous 28 / 75 Next →

Şifre Yenileme