Ἀλέξανδρος

Lines

1.1 – 2.3 2.4 – 3.3 3.4 – 4.4 4.5 – 5.3 5.4 – 6.3 6.4 – 7.3 7.4 – 8.3 8.4 – 9.5 9.6 – 10.3 10.4 – 11.3 11.4 – 12.2 12.3 – 14.1 14.2 – 15.1 15.2 – 16.2 16.3 – 16.6 16.7 – 17.2 17.3 – 18.3 18.4 – 19.3 19.4 – 20.3 20.4 – 20.8 21.1 – 21.5 22.1 – 22.5 23.1 – 23.5 23.6 – 24.6 24.7 – 25.3 25.4 – 26.3 26.4 – 26.7 27.1 – 27.5 27.6 – 28.3 29.1 – 30.1 30.2 – 30.5 30.6 – 31.3 31.4 – 31.8 32.1 – 32.5 32.6 – 33.4 33.5 – 34.2 35.1 – 35.5 35.6 – 36.2 37.1 – 38.1 38.2 – 39.2 39.3 – 39.7 40.1 – 41.1 41.2 – 42.1 42.2 – 43.1 43.2 – 44.3 45.1 – 46.1 46.2 – 47.3 47.4 – 48.2 48.3 – 49.3 49.4 – 49.8 50.1 – 50.6 51.1 – 51.5 51.6 – 52.4 52.5 – 53.5 54.1 – 55.2 55.3 – 57.1 57.2 – 58.1 58.2 – 59.1 59.2 – 60.2 60.3 – 60.7 60.8 – 62.2 62.3 – 63.3 63.4 – 64.2 64.3 – 65.3 65.4 – 67.1 67.2 – 68.3 68.4 – 69.4 70.1 – 71.1 71.2 – 72.1 72.2 – 73.1 73.2 – 74.2 74.3 – 75.3 75.4 – 77.1 77.2 – 77.5

İngilizce Yunanca

60.8 ἐπεὶ δὲ ληφθέντα τὸν Πῶρον ὁ Ἀλέξανδρος ἠρώτα πῶς αὐτῷ χρήσηται, βασιλικῶς, εἶπε προσπυθομένου δὲ μή τι ἄλλο λέγει, πάντα, εἶπεν, ἐστὶν ἐν τῷ βασιλικῶς. οὐ μόνον οὖν ἀφῆκεν αὐτόν ἄρχειν ὧν ἐβασίλευε, σατράπην καλούμενον, ἀλλὰ καὶ προσέθηκε χώραν τοὺς τοὺς with Bekker, after Coraës: καὶ τούς. αὐτόνομους καταστρεψάμενος, ἐν ᾗ πεντεκαίδεκα μὲν ἔθνη, πόλεις δὲ πεντακισχιλίας ἀξιολόγους, κώμας δὲ παμπόλλας εἶναί φασιν ἄλλην δὲ τρὶς τοσαύτην ἧς Φίλιππόν τινα τῶν ἑταίρων σατράπην ἀπέδειξεν.

61.1 ἐκ δὲ τῆς πρὸς Πῶρον μάχης καὶ ὁ Βουκεφάλας ἐτελεύτησεν, οὐκ εὐθύς, ἀλλʼ ὕστερον, ὡς οἱ πλεῖστοι λέγουσιν ἀπὸ τραυμάτων θεραπευόμενος, ὡς δὲ Ὀνησίκριτος, διὰ γῆρας ὑπέρπονος γενόμενος· τριάκοντα γὰρ ἐτῶν ἀποθανεῖν αὐτόν, ἐδήχθη δʼ ἰσχυρῶς Ἀλέξανδρος, οὐδὲν ἄλλο ἢ συνήθη καὶ φίλον ἀποβεβληκέναι νομίζων· καὶ πόλιν οἰκίσας ἐπʼ αὐτῷ παρὰ τὸν Ὑδάσπην Βουκεφαλίαν προσηγόρευσε. λέγεται δὲ καὶ κύνα Περίταν ὄνομα τεθραμμένον ὑπʼ αὐτοῦ καὶ στεργόμενον ἀποβαλών κτίσαι πόλιν ἐπώνυμον. τοῦτο δὲ Σωτίων φησὶ Ποτάμωνος ἀκοῦσαι τοῦ Λεσβίου.

62.1 τοὺς μέντοι Μακεδόνας ὁ πρὸς Πῶρον ἀγὼν ἀμβλυτέρους ἐποίησε καὶ τοῦ πρόσω τῆς Ἰνδικῆς ἔτι προελθεῖν ἐπέσχε. μόλις γὰρ ἐκεῖνον ὠσάμενοι δισμυρίοις πεζοῖς καὶ δισχιλίοις ἱππεῦσι παραταξάμενον, ἀντέστησαν ἰσχυρῶς Ἀλεξάνδρῳ βιαζομένῳ καὶ τὸν Γάγγην περᾶσαι ποταμόν, εὖρος μὲν αὐτοῦ δύο καὶ τριάκοντα σταδίων εἶναι πυνθανόμενοι καὶ βάθος ὀργυιὰς ἑκατόν, ἀντιπέρας δὲ τὰς ὄχθας ἀποκεκρύφθαι πλήθεσιν ὅπλων καὶ ἵππων καὶ ἐλεφάντων.

62.2 ἐλέγοντο γὰρ ὀκτὼ μὲν μυριάδας ἱπποτῶν, εἴκοσι δὲ πεζῶν, ἅρματα δὲ ὀκτακισχίλια καὶ μαχίμους ἐλέφαντας ἑξακισχιλίους ἔχοντες οἱ Γανδαριτῶν καὶ Πραισίων βασιλεῖς ὑπομένειν. καὶ κόμπος οὐκ ἦν περὶ ταῦτα. Ἀνδρόκοττος γὰρ ὕστερον οὐ πολλῷ βασιλεύσας Σελεύκῳ πεντακοσίους ἐλέφαντας ἐδωρήσατο, καὶ στρατοῦ μυριάσιν ἑξήκοντα τὴν Ἰνδικὴν ἐπῆλθεν ἅπασαν καταστρεφόμενος.

← Previous 61 / 74 Next →

Şifre Yenileme