Ἀντώνιος

Lines

1.1 – 2.3 2.4 – 3.3 3.4 – 4.2 4.3 – 5.3 5.4 – 6.4 6.5 – 7.4 8.1 – 9.3 9.4 – 10.3 10.4 – 11.3 12.1 – 13.1 13.2 – 14.3 14.4 – 16.2 16.3 – 17.3 18.1 – 18.4 19.1 – 20.3 21.1 – 22.3 22.4 – 24.1 24.2 – 24.6 24.7 – 25.3 25.4 – 26.4 27.1 – 28.2 28.3 – 28.7 29.1 – 30.1 30.2 – 31.3 32.1 – 33.1 33.2 – 34.1 34.2 – 35.1 35.2 – 36.1 36.2 – 37.2 37.3 – 38.2 38.3 – 39.4 39.5 – 40.2 40.3 – 41.2 41.3 – 42.2 42.3 – 43.2 43.3 – 45.1 45.2 – 45.6 46.1 – 47.1 47.2 – 48.2 48.3 – 49.3 49.4 – 51.1 51.2 – 53.2 53.3 – 54.1 54.2 – 54.6 55.1 – 56.3 56.4 – 58.1 58.2 – 58.6 59.1 – 60.1 60.2 – 61.3 62.1 – 63.1 63.2 – 63.6 64.1 – 65.3 65.4 – 66.3 66.4 – 67.4 67.5 – 68.3 68.4 – 69.3 69.4 – 70.4 71.1 – 72.1 72.2 – 73.3 74.1 – 75.2 75.3 – 76.3 76.4 – 77.3 77.4 – 79.1 79.2 – 80.3 81.1 – 83.1 83.2 – 84.2 84.3 – 85.4 86.1 – 86.5 87.1 – 87.4

İngilizce Yunanca

42.3 ὁρῶντες δὲ αὐτὸν οἱ τῆς οὐραγίας ἡγεμόνες ἀπορρηγνύμενον ἐκάλουν πέμποντες· ὁ δὲ οὐκ ἐπείθετο. Τίτιον δέ φασι τὸν ταμίαν καὶ τῶν σημαιῶν ἐπιλαβόμενον στρέφειν ὀπίσω καὶ λοιδορεῖν τὸν Γάλλον ὡς ἀπολλύντα πολλοὺς καὶ ἀγαθοὺς ἄνδρας. ἀντιλοιδοροῦντος δὲ ἐκείνου καὶ διακελευομένου τοῖς περὶ αὑτὸν μένειν, ὁ μὲν Τίτιος ἀπεχώρει· τὸν δὲ Γάλλον ὠθούμενον εἰς τοὺς κατὰ στόμα λανθάνουσι πολλοὶ περισχόντες ἐκ τῶν ὄπισθεν.

42.4 βαλλόμενος δὲ πανταχόθεν ἐκάλει πέμπων ἀρωγήν. οἱ δὲ τοὺς ὁπλίτας ἄγοντες, ὧν καὶ Κανίδιος ἦν, ἀνὴρ παρὰ Ἀντωνίῳ δυνάμενος μέγιστον, οὐ μικρὰ δοκοῦσι διαμαρτεῖν. δέον γὰρ ἀθρόαν ἐπιστρέψαι τὴν φάλαγγα, πέμποντες κατʼ ὀλίγους ἐπιβοηθοῦντας, καὶ πάλιν ἡττωμένων τούτων ἑτέρους ἀποστέλλοντες, ἔλαθον ὀλίγου δεῖν ἥττης καὶ φυγῆς ὅλον ἀναπλήσαντες τὸ στρατόπεδον, εἰ μὴ ταχὺ μὲν αὐτὸς Ἀντώνιος μετὰ τῶν ὅπλων ἀπὸ τοῦ στόματος ἧκεν ὑπαντιάζων, ταχὺ δὲ τὸ τρίτον τάγμα διὰ τῶν φευγόντων ἐπὶ τοὺς πολεμίους ὠσάμενον ἔσχε τοῦ πρόσω διώκειν.

43.1 ἀπέθανον δὲ τρισχιλίων οὐκ ἐλάττους, ἐκομίσθησαν δὲ ἐπὶ σκηνὰς τραυματίαι πεντακισχίλιοι· καὶ Γάλλος ἦν ἐν τούτοις, τέτταρσιν ἐναντίοις διαπεπαρμένος τοξεύμασιν. ἀλλʼ οὗτος μὲν ἐκ τῶν τραυμάτων οὐκ ἀνήνεγκε, τοὺς δʼ ἄλλους περιϊὼν ὁ Ἀντώνιος ἐπεσκόπει καὶ παρεθάρρυνε δεδακρυμένος καὶ περιπαθῶν. οἱ δὲ φαιδροὶ τὴς δεξιᾶς αὐτοῦ λαμβανόμενοι παρεκάλουν ἀπιόντα θεραπεύειν αὑτὸν καὶ μὴ κακοπαθεῖν, αὐτοκράτορα καλοῦντες, καὶ σώζεσθαι λέγοντες ἂν ἐκεῖνος ὑγιαίνῃ.

43.2 καθόλου μὲν γὰρ οὔτ ἀλκαῖς οὔτε ὑπομοναῖς οὔτε ἡλικίᾳ λαμπρότερον ἄλλος αὐτοκράτωρ στρατὸν ἐκείνου δοκεῖ συναγαγεῖν ἐν τοῖς τότε χρόνοις· ἡ δὲ πρὸς αὐτὸν αἰδὼς τὸν ἡγεμόνα καὶ πειθαρχία μετʼ εὐνοίας, καὶ τὸ πάντας ὁμαλῶς, ἐνδόξους, ἀδόξους, ἄρχοντας, ἰδιώτας, τὴν παρὰ Ἀντωνίου τιμήν τε καὶ χάριν μᾶλλον αἱρεῖσθαι τῆς σωτηρίας καὶ τῆς ἀσφαλείας, οὐδὲ τοῖς πάλαι Ῥωμαίοις ἀπέλιπεν ὑπερβολήν.

← Previous 35 / 69 Next →

Şifre Yenileme