Parodos
[Episode]
τοῖς Χουσὶ γάρ τις ξυμβολὰς ἐπράττετο;
Λάμαχος
ἰὼ ἰὼ Παιὰν Παιάν.
Δικαιόπολις
ἀλλʼ οὐχὶ νυνὶ τήμερον Παιώνια.
Λάμαχος
λάβεσθέ μου λάβεσθε τοῦ σκέλους παπαῖ,
προσλάβεσθʼ ὦ φίλοι.
1215
Δικαιόπολις
ἐμοῦ δέ γε σφὼ τοῦ πέους ἄμφω μέσου
Λάμαχος
εἰλιγγιῶ κάρα λίθῳ πεπληγμένος
Δικαιόπολις
κἀγὼ καθεύδειν βούλομαι καὶ στύομαι
1220
Λάμαχος
θύραζέ μʼ ἐξενέγκατʼ ἐς τοῦ Πιττάλου
Δικαιόπολις
ὡς τοὺς κριτάς με φέρετε· ποῦ ʼστιν ὁ βασιλεύς;
ἀπόδοτέ μοι τὸν ἀσκόν.
1225
Λάμαχος
λόγχη τις ἐμπέπηγέ μοι διʼ ὀστέων ὀδυρτά.
[Exodus]
ὁρᾶτε τουτονὶ κενόν. τήνελλα καλλίνικος.
Χορός
τήνελλα δῆτʼ, εἴπερ καλεῖς γʼ, ὦ πρέσβυ, καλλίνικος.
Δικαιόπολις
καὶ πρός γʼ ἄκρατον ἐγχέας ἄμυστιν ἐξέλαψα.
Χορός
τήνελλά νυν ὦ γεννάδα· χώρει λαβὼν τὸν ἀσκόν.
1230
Δικαιόπολις
ἕπεσθέ νυν ᾄδοντες ὦ τήνελλα καλλίνικος.
Χορός
ἀλλʼ ἑψόμεσθα σὴν χάριν
τήνελλα καλλίνικος ᾄδοντες
