Parodos
[Agon]
πρότερον μέντοι δεῖ σε καθεύδειν
700
Πραξάγορα
αὐτῆς παρʼ ἐμοί.
700
τοῖς εὐπρεπέσιν δʼ ἀκολουθοῦντες
καὶ μειρακίοις οἱ φαυλότεροι
τοιάδʼ ἐροῦσιν· ποῖ θεῖς οὗτος;
πάντως οὐδὲν δράσεις ἐλθών·
τοῖς γὰρ σιμοῖς καὶ τοῖς αἰσχροῖς
705
ἐψήφισται προτέροις βινεῖν,
ὑμᾶς δὲ τέως θρῖα λαβόντας
ἐν τοῖς προθύροισι δέφεσθαι.
φέρε νυν φράσον μοι, ταῦτʼ ἀρέσκει σφῷν;
710
Πραξάγορα
βαδιστέον τἄρʼ ἐστὶν εἰς ἀγορὰν ἐμοί,
ἵνʼ ἀποδέχωμαι τὰ προσιόντα χρήματα,
λαβοῦσα κηρύκαιναν εὔφωνόν τινα.
ἐμὲ γὰρ ἀνάγκη ταῦτα δρᾶν ᾑρημένην
ἄρχειν, καταστῆσαί τε τὰ ξυσσίτια,
715
ὅπως ἂν εὐωχῆσθε πρῶτον τήμερον.
Βλέπυρος
ἤδη γὰρ εὐωχησόμεσθα;
ἔπειτα τὰς πόρνας καταπαῦσαι βούλομαι
ἵνα τῶν νέων ἔχωσιν αὗται τὰς ἀκμάς.
720
καὶ τάς γε δούλας οὐχὶ δεῖ κοσμουμένας
τὴν τῶν ἐλευθέρων ὑφαρπάζειν Κύπριν,
ἀλλὰ παρὰ τοῖς δούλοισι κοιμᾶσθαι μόνον
κατωνάκην τὸν χοῖρον ἀποτετιλμένας.
