Parodos
Καρίων
ὀδύνη σε περὶ τὰ σπλάγχνʼ ἔοικέ τι στρέφειν.
Ἑρμῆς
οἴμοι δὲ κύλικος ἴσον ἴσῳ κεκραμένης.
Καρίων
ταύτην ἐπιπιὼν ἀποτρέχων οὐκ ἂν φθάνοις.
Ἑρμῆς
ἆρʼ ὠφελήσαις ἄν τι τὸν σαυτοῦ φίλον;
Καρίων
εἴ του δέει γʼ ὧν δυνατός εἰμί σʼ ὠφελεῖν.
1135
Ἑρμῆς
εἴ μοι πορίσας ἄρτον τινʼ εὖ πεπεμμένον
δοίης καταφαγεῖν καὶ κρέας νεανικὸν
Ἑρμῆς
καὶ μὴν ὁπότε τι σκευάριον τοῦ δεσπότου
ὑφέλοιʼ, ἐγώ σε λανθάνειν ἐποίουν ἀεί.
1140
Καρίων
ἐφʼ ᾧ τε μετέχειν καὐτὸς ὦ τοιχωρύχε.
ἧκεν γὰρ ἄν σοι ναστὸς εὖ πεπεμμένος.
Ἑρμῆς
ἔπειτα τοῦτόν γʼ αὐτὸς ἂν κατήσθιες.
Καρίων
οὐ γὰρ μετεῖχες τὰς ἴσας πληγὰς ἐμοί,
ὁπότε τι ληφθείην πανουργήσας ἐγώ.
1145
Ἑρμῆς
μὴ μνησικακήσῃς, εἰ σὺ Φυλὴν κατέλαβες.
ἀλλὰ ξύνοικον πρὸς θεῶν δέξασθέ με.
Καρίων
ἔπειτʼ ἀπολιπὼν τοὺς θεοὺς ἐνθάδε μενεῖς;
Ἑρμῆς
τὰ γὰρ παρʼ ὑμῖν ἐστι βελτίω πολύ.
Καρίων
τί δέ; ταὐτομολεῖν ἀστεῖον εἶναί σοι δοκεῖ;
1150
Ἑρμῆς
πατρὶς γάρ ἐστι πᾶσʼ ἵνʼ ἂν πράττῃ τις εὖ.
Καρίων
τί δῆτʼ ἂν εἴης ὄφελος ἡμῖν ἐνθάδʼ ὤν;
Ἑρμῆς
παρὰ τὴν θύραν στροφαῖον ἱδρύσασθέ με.
Καρίων
στροφαῖον; ἀλλʼ οὐκ ἔργον ἔστʼ οὐδὲν στροφῶν.
Ἑρμῆς
ἀλλʼ ἐμπολαῖον.
1155
Καρίων
ἀλλὰ πλουτοῦμεν· τί οὖν
1155
Ἑρμῆν παλιγκάπηλον ἡμᾶς δεῖ τρέφειν;
Ἑρμῆς
ἀλλὰ δόλιον τοίνυν.
Καρίων
δόλιον; ἥκιστά γε·
