Book 5
89.1
Ath. Nos igitur neque ipsi speciosis nominibus utentes longam et parum plausibilem orationem afferemus ut probemus vel imperium jure a nobis obtineri, quod Medum debellarimus, vel quod injuriis affecti eas nunc ulciscamur, neque censemus propterea quod Lacedaemoniorum coloni quum sitis, tamen non et ipsi bellum adversus nos gesseritis, neque injuriam ullam nobis feceritis, existimandum vobis esse fore ut nobis persuadeatis, sed potius ea vobis agenda esse, quae possunt fieri pro iis, qu» utri, que revera in animo habemus, qua in re et nos scimus et vos intelligere debetis, justa quidem quae sint, In humana ratione per parem necessitatem aestimari, ea vero, quae lieri possint, potentiores facere et infirmiores concedere.
90.1
Mel. Atqui nos utile quidem censemus (necesse enim est, quandoquidem vos ita, praeterita aequitate, sermonem de utilitate instituistis) id quod omnibus est commune bonum, a vobis non eveiti, sed ei, qui quoque tempore in periculo versatur, ea justa haberi, quae aequa sunt, atque eum etiam praeter id, quod accuratissima ratione justum est, si alteri persuadere possit, commodum aliquod percipere. Hoc autem eo magis e re vestra futurum est, quo etiam vos majore proposita poena, si offenderitis, ceteris mortalibus exemplo eritis.
91.1
Atii. Nos vero nostri imperii, etiam si deletum fuerit, finem non extimescimus; neque enim, qui aliis imperant, ut Lacedaemonii, ii sunt formidabiles victis (in praesentia autem nullum cum Lacedaemoniis nobis est certamen), sed si alicubi illi, qui aliorum imperio paruerint, ipsi eos aggressi superaverint.
91.2
Sed hac quidem de re periclitari nobis permittatur; illud vero declarabimus, nos et ob utilitatem nostri imperii adesse, et ob vestrae civitatis salutem verba nunc facturos, quippe qui cupimus et sine labore vobis imperare et vos ex usu utrorumque salvos esse.
92.1
Mel. Sed qui fieri potest, ut ita nobis ex usu sil, servire, ut vobis imperare ?
