Lexicon in decem oratores Atticos

Lines

habaris – agnias agnias – aguias aguias – adokimastos adokimastos – athmoneus athmoneus – ake ake – alexandros alexandros – alkibiades alkibiades – alopekonnesos alopekonnesos – amfiktuones amfiktuones – anagurasios anagurasios – anati anati – anepopteutos anepopteutos – antibabthentos antibabthentos – antomosia antomosia – apergasamenos apergasamenos – apodektai apodektai – apomatton apomatton – aporotatos aporotatos – apotafos apotafos – argas argas – aristtlla aristtlla – archaios archaios – aspasia aspasia – atechnos atimetos_agon – autokleides autokleides – afeis afeis – basileios_stoa basileios_stoa – boleones boleones – bomolocheuesthai bomolocheuesthai – gennetai gennetai – gepedon gepedon – daidalou_poiemata daeira – deinoi deinoi – dekatelogous dekatelogous – demopoietos demosios – diathesis diathesis – diapsefisis diapsefisis – diaitetai diaitetai – dierxa dierxa – drakontides drakontides – ean_tis_grapsamenos_me ean_tis_grapsamenos_me – eisaggelia eisaggelia – hekatomnos hekatompedon – ek_proagoges ek_proagoges – helixos helixos – enepiskemma enepiskemma – en_freattoi en_freattoi – exegetes exegetes – epaktos_orkos epaktos_orkos – epibates epibates – epidietes_ebesai epidietes_ebesai – epikekeruchenai epikekeruchenai – epimeletes_emporiou epimeletes_emporiou – episkopos episkopos – epitritais epitritais – eranizontes eranizontes – hermai hermos – euagoras euagoras – euneidai euneidai – eforia eforia – hegemonia_dikasteriou hegemon_summorias – hemioliasmos hemioliasmos – themisteuein themisteuein – thesthli thesthli – theorika theorika – thetes2 thetes2 – thurgonidai thurgonidai – hieronumos hieronumos – hippas hippas – isoteles isoteles – katharsion katharsion – kakoseos kakoseos – katabole katabole – katatome katapaex – keleontes keleontes – kedonides kedonides – kisthene kisthene – kobaleia kobaleia – kolonetas kolonetas – krauallidai krauallidai – kukloi kukloi – kuria_ekklesia kuria_ekklesia – larkos larkos – lexiarchikon_grammateion lexiarchikon_grammateion – loutroforos loutroforos – makrokefaloi makrokefaloi – matruleion matruleion – meline meline – metoikion metoikion – molpis molpis – murtis murtis – naukrarika nautodikai – neosi neosi – xeniteuomenous xeniteuomenous – oikiskoi oikiskoi – hoti_diamartanei_demosthenes_en hoti_diamartanei_demosthenes_en – homereuontas homereuontas – oxuthumia oxuthumia – orkane orkane – hoti_xenous_tinas hoti_xenous_tinas – ousias_dike ousias_dike – palinairetos palinairetos – pandemos_afrodite pandemos_afrodite – paraggelia paraggelia – parakataboae parakataboae – paraskenia paraskenia – parousia parousia – pentakosiomedimnon pentakosiomedimnon – periodos periodos – peristoichoi peristoichoi – paunteria plotheus – pompeia pompeia – proballomenous proballomenous – proklesis proklesis – propulaia_tauta propulaia_tauta – prostimemata prostimemata – prutaneis prutaneis – puaai puaai – hraisas hraisas – semnai_theai semnai_theai – sitos sitos – skiapodes skiapodes – stasiotes stasiotes – strepsa strepsa – summoria summoria – sundikoi sundikoi – tamunai tamunai – tetes tetes – tous_choris_oikountas tous_choris_oikountas – triton_emidrachmon triton_emidrachmon – hupo_gen_oikountes hupo_gen_oikountes – farmakos farmakos – filepsios filepsios – fularchos fularchos – chledos chledos – chrusochoein chrusochoein – psithuristes_ermes

LAT

euagoras ὄνομα κύριον, εἰς ὃν τὸ ἐγκώμιον Ἰσοκράτους.

ΕΥΑΙΩΝ

euaion Δημοσθένης κατὰ Μειδίου. ὄνομα κύριον.

ΕΥΑΝΔΡΙΑ

euandria Δείναρχος ἐν τῷ κατ’ Ἀγασικλέους. Παναθηναίοις εὐανδρίας ἀγὼν ἤγετο. Ἀνδοκίδης τ̓ ἐν τῷ κατ’ Ἀλκιβιάδου δηλοῖ καὶ Φιλόχορος.

ΕΥΒΟΥΛΟΣ

euboulos Ὑπερείδου λόγος ἐστὶ περὶ τῶν Εὐβούλου δωρεῶν, μνημονεύει δ’ αὐτοῦ Δημοσθένης ἐν τῷ ὑπὲρ Κτησιφῶντος. ὅτι δὴ δημαγωγὸς ἦν ἐπιφανέστατος, ἐπιμελής τε καὶ φιλόπονος, ἀργύριόν τε συχνὸν πορίζων τοῖς Ἀθηναίοις διένειμε, διὸ καὶ τὴν πόλιν ἐπὶ τῆς τούτου πολιτείας ἀνανδροτάτην καὶ ῥαθυμοτάτην συνέβη γενέσθαι, Θεόπομπος ἐν τῇ ι τῶν Φιλιππικῶν. ἕτερος δ’ ἐστὶν ὁ κωμικὸς, οὗ μνημονεύει Ὑπερείδης ἐν τῷ κατ’ Ἀρχεστρατίδου.

ΕΥΔΙΚΟΣ

eudikos Δημοσθένης ἐν τῷ ὑπὲρ Κτησιφῶντος. εἷς δ’ ἐστὶν οὗτος τῶν κατασταθέντων ὑπὸ Φιλίππου κυρίων Θετταλίας ἁπάσης.

ΕΥΗΝΟΣ

euenos Ὑπερείδης ἐν τῷ κατ’ Αὐτοκλέους. δύο ἀναγράφουσιν Εὐήνους ἐλεγείων ποιητὰς ὁμωνύμους ἀλλήλοις, καθάπερ Ἐρατοσθένης ἐν τῷ περὶ χρονογραφιῶν, ἀμφοτέρους λέγων Παρίους εἶναι· γνωρίζεσθαι δέ φησι τὸν νεώτερον μόνον. μέμνηται δὲ θατέρου αὐτῶν καὶ Πλάτων.

ΕΥΗΝΙΩΤΑΤΑ

eueniotata Ἀντιφῶν ἐν τῷ περὶ ὁμονοίας. εὐήνιος ὁ πρᾶος καὶ μέτριος καὶ μὴ ταραχώδης· ἡ μεταφορὰ ἀπὸ τῶν ἵππων. ἔστι τοὔνομα καὶ παρὰ Πλάτωνι ἐν θ τῶν Νόμων.

ΕΥΘΙΑΣ

euthias Ὑπερείδης ὑπὲρ Φρύνης. τῶν ἐπὶ συκοφαντίᾳ διαβεβλημένων ἦν ὁ Εὐθίας. τὸν μέντοι λόγον αὐτῷ τὸν κατὰ Φρύνης Ἀναξιμένην πεποιηκέναι φησὶν Ἕρμιππος.

ΕΥΘΥΝΟΙ

euthunoi Λυσίας ἐν τῷ κατὰ Νικίδου, εἰ γνήσιος. εὔθυνοι ὄνομα ἀρχῆς παρ’ Ἀθηναίοις. δέκα δὲ τὸν ἀριθμὸν ἦσαν ἄνδρες, παρ’ οἷς ἐδίδοσαν οἱ πρεσβεύσαντες ἢ ἄρξαντες ἢ διοικήσαντές τι τῶν δημοσίων τὰς εὐθύνας. διείλεκται περὶ αὐτῶν Ἀριστοτέλης ἐν τῇ Ἀθηναίων πολιτείᾳ.

ΕΥΘΥΩΡΟΝ

euthuoron τὸ κατ’ εὐθεῖαν Ἀντιφῶν ἐν τῷ πρὸς Νικοκλέα. τὸ ὄνομα καὶ παρὰ Ξενοφῶντι εν β Ἀναβάσεως.

ΕΥΜΕΝΙΔΕΣ

eumenides Δημοσθένης ἐν τῷ κατ’ Ἀριστοκράτους. Αἰσχύλος ἐν Εὐμενίσιν εἰπὼν τὰ περὶ τὴν κρίσιν τὴν Ὀρέστου φησὶν ὡς ἡ Ἀθῆνα πραΰνασα τὰς Ἐρινύας ὥστε μὴ χαλεπῶς ἔχειν πρὸς τὸν Ὀρέστην, Εὐμενίδας ὠνόμασεν. εἰσὶ δὲ Ἀληκτὼ, Μέγαιρα, Τισιφόνη.

ΕΥΝΕΙΔΑΙ

← Previous 59 / 137 Next →