Ὀλυμπιονῖκαι

Lines

1 νῦν δʼ ἐν αἱμακουρίαις

1 ἀγλααῖσι μέμικται,

1 Ἀλφεοῦ πόρῳ κλιθείς,

1 τύμβον ἀμφίπολον ἔχων πολυξενωτάτῳ παρὰ βωμῷ. τὸ δὲ κλέος

1 τηλόθεν δέδορκε τᾶν Ὀλυμπιάδων ἐν δρόμοις

1 Πέλοπος, ἵνα ταχυτὰς ποδῶν ἐρίζεται

1 ἀκμαί τʼ ἰσχύος θρασύπονοι·

1 ὁ νικῶν δὲ λοιπὸν ἀμφὶ βίοτον

1 ἔχει μελιτόεσσαν εὐδίαν

1 ἀέθλων γʼ ἕνεκεν. τὸ δʼ αἰεὶ παράμερον ἐσλὸν

1 ὕπατον ἔρχεται παντὶ βροτῶν. ἐμὲ δὲ στεφανῶσαι

1 κεῖνον ἱππίῳ νόμῳ

1 Αἰοληΐδι μολπᾷ

1 χρή· πέποιθα δὲ ξένον

1 μή τινʼ, ἀμφότερα καλῶν τε ἴδριν ἁμᾷ καὶ δύναμιν κυριώτερον,

1 τῶν γε νῦν κλυταῖσι δαιδαλωσέμεν ὕμνων πτυχαῖς.

1 θεὸς ἐπίτροπος ἐὼν τεαῖσι μήδεται

1 ἔχων τοῦτο κᾶδος, Ἱέρων,

1 μερίμναισιν· εἰ δὲ μὴ ταχὺ λίποι,

1 ἔτι γλυκυτέραν κεν ἔλπομαι

1 σὺν ἅρματι θοῷ κλεΐξειν, ἐπίκουρον εὑρὼν ὁδὸν λόγων

1 παρʼ εὐδείελον ἐλθὼν Κρόνιον. ἐμοὶ μὲν ὦν

1 Μοῖσα καρτερώτατον βέλος ἀλκᾷ τρέφει·

1 ἐπʼ ἄλλοισι δʼ ἄλλοι μεγάλοι. τὸ δʼ ἔσχατον

1 κορυφοῦται βασιλεῦσι. μηκέτι πάπταινε πόρσιον.

1 εἴη σέ τε τοῦτον ὑψοῦ χρόνον πατεῖν, ἐμέ τε τοσσάδε νικαφόροις

1 ὁμιλεῖν, πρόφαντον σοφίᾳ καθʼ Ἕλλανας ἐόντα παντᾷ.

2 ἀναξιφόρμιγγες ὕμνοι,

2 τίνα θεόν, τίνʼ ἥρωα, τίνα δʼ ἄνδρα κελαδήσομεν;

← Previous 4 / 34 Next →