Νεμεονῖκαι

Lines

3 ὃς ἔλαβεν αἶψα, τηλόθε μεταμαιόμενος, δαφοινὸν ἄγραν ποσίν·

3 κραγέται δὲ κολοιοὶ ταπεινὰ νέμονται.

3 τίν γε μέν, εὐθρόνου Κλεοῦς ἐθελοίσας, ἀεθλοφόρου λήματος ἕνεκεν

3 Νεμέας Ἐπιδαυρόθεν τʼ ἄπο καὶ Μεγάρων δέδορκεν φάος.

4 ἄριστος εὐφροσύνα πόνων κεκριμένων

4 ἰατρός· αἱ δὲ σοφαὶ

4 Μοισᾶν θύγατρες ἀοιδαὶ θέλξαν νιν ἁπτόμεναι.

4 οὐδὲ θερμὸν ὕδωρ τόσον γε μαλθακὰ τέγγει

4 γυῖα, τόσσον εὐλογία φόρμιγγι συνάορος.

4 ῥῆμα δʼ ἑργμάτων χρονιώτερον βιοτεύει,

4 ὅ τι κε σὺν Χαρίτων τύχᾳ

4 γλῶσσα φρενὸς ἐξέλοι βαθείας.

4 τό μοι θέμεν Κρονίδᾳ τε Δὶ καὶ Νεμέᾳ

4 Τιμασάρχου τε πάλᾳ

4 ὕμνου προκώμιον εἴη· δέξαιτο δʼ Αἰακιδᾶν

4 ἠΰπυργον ἕδος, δίκᾳ ξεναρκέϊ κοινὸν

4 φέγγος. εἰ δʼ ἔτι ζαμενεῖ Τιμόκριτος ἁλίῳ

4 σὸς πατὴρ ἐθάλπετο, ποικίλον κιθαρίζων

4 θαμά κε, τῷδε μέλει κλιθείς,

4 υἱὸν κελάδησε καλλίνικον

4 Κλεωναίου τʼ ἀπʼ ἀγῶνος ὅρμον στεφάνων

4 πέμψαντα καὶ λιπαρᾶν

4 εὐωνύμων ἀπʼ Ἀθανᾶν, Θήβαις τʼ ἐν ἑπταπύλοις,

4 οὕνεκʼ Ἀμφιτρύωνος ἀγλαὸν παρὰ τύμβον

4 Καδμεῖοί νιν οὐκ ἀέκοντες ἄνθεσι μίγνυον,

4 Αἰγίνας ἕκατι. φίλοισι γὰρ φίλος ἐλθὼν

4 ξένιον ἄστυ κατέδρακεν

4 Ἡρακλέος ὀλβίαν πρὸς αὐλάν.

4 σὺν ᾧ ποτε Τρωΐαν κραταιὸς Τελαμὼν

← Previous 7 / 26 Next →