Στρατηγικός

Lines

praef.1 – praef.5 praef.6 – 1.1 1.1 – 1.10 1.11 – 1.18 1.19 – 1.23 1.24 – 3.1 3.1 – 4.3 4.4 – 6.1 6.2 – 6.6 6.7 – 6.12 6.13 – 8.2 9.1 – 10.2 10.3 – 10.6 10.7 – 10.11 10.12 – 10.15 10.16 – 10.19 10.20 – 10.24 10.25 – 11.2 11.3 – 11.5 11.6 – 13.2 13.3 – 14.3 14.4 – 17.1 18.1 – 19.3 20.1 – 21.2 21.3 – 21.7 21.8 – 22.2 22.3 – 23.3 24.1 – 26.1 26.2 – 29.2 29.3 – 32.2 32.3 – 32.9 32.10 – 33.4 33.5 – 34.3 34.4 – 35.4 35.5 – 37.2 37.3 – 38.5 38.6 – 39.3 39.4 – 40.3 41.1 – 42.2 42.3 – 42.7 42.8 – 42.13 42.14 – 42.18 42.19 – 42.22 42.23 – 42.26

Yunanca

42.23 Εἰ δὲ τὴν κατὰ κράτος ἀπεγνωκὼς ἐκπόρθησιν εἰς χρόνιον καταβαίνοι πολιορκίαν οἰόμενος λιμῷ πιέσας τὴν πόλιν αἱρήσειν, ἅ τινα ἂν ἐπὶ τῆς χώρας ἔτι καταλάβῃ σώματα, τούτων τὰ μὲν ἐρρωμένα καὶ ἀκμάζοντα ταῖς ἡλικίαις εἰς ἄμυναν πολέμου λαβών, ὅ τι περ ἂν αὐτῷ δόξῃ, διαθέσθω, γύναια δὲ καὶ παιδάρια καὶ ἀσθενεῖς ἀνθρώπους καὶ γεγηρακότας ἑκὼν εἰς τὴν πόλιν ἀποπεμπέτω· ταῦτα γὰρ ἄχρηστα μὲν εἰς τὰς πράξεις ἔσται, τὰς δὲ παρεσκευασμένας τοῖς ἔνδον τροφὰς θᾶττον συναναλώσει, καὶ πολεμίων μᾶλλον ἢ φιλίων ἐφέξει τρόπον. ι. Ὁποῖον εἶναι χρὴ τὸν στρατηγὸν μετὰ τὴν νίκην

42.24 Εἰ δέ τῳ πάντα κατὰ δαίμονα καὶ νοῦν χωρήσειεν, ὥστε τοῖς ὅλοις ἐπιθεῖναι τοῦ πολέμου πράγμασι τέλος, ἔστω μὴ βαρὺς ἐπὶ ταῖς εὐπραγίαις, ἀλλʼ εὔφορτος, μηδὲ τύφον ἀπηνῆ περιφέρων, ἀλλʼ εὐμένειαν προσφιλῆ ἔχων· ὁ μὲν γὰρ φθόνον ἐγέννησε, αὕτη δὲ ζῆλον ἐπεσπάσατο.

42.25 φθόνος μὲν οὖν ἐστιν ὀδύνη τῶν πρὸς τοὺς πέλας ἀγαθῶν, ζῆλος δὲ μίμησις τῶν παρʼ ἄλλοις καλῶν, τοσοῦτόν τε διενήνοχεν ἀλλήλων, ὥστε τὸ μὲν φθονεῖν εὐχὴν εἶναι τοῦ καὶ παρʼ ἄλλῳ τι καλὸν μὴ εἶναι, τὸ δὲ ζηλοῦν ἐπιθυμίαν τῆς τῶν ἴσων κτήσεως.

42.26 ἀνὴρ οὖν ἀγαθὸς οὐ μόνον πατρίδος τε καὶ στρατιωτικοῦ πλήθους ἄριστος ἡγεμών, ἀλλὰ καὶ τῆς περὶ αὐτὸν εἰς αἰεὶ εὐδοξίας ἀκινδύνου οὐκ ἀνόητος στρατηγός.

← Previous 44 / 44 →

Şifre Yenileme