Stasimon 4
[Episode]
καὶ μὴν πρόχειρον αἵδε σοι σκυλευμάτων
Χορός
Φρυγίων φέρουσι κόσμον ἐξάπτειν νεκρῷ.
Ἑκάβη
ὦ τέκνον, οὐχ ἵπποισι νικήσαντά σε
οὐδʼ ἥλικας τόξοισιν, οὓς Φρύγες νόμους
1210
τιμῶσιν, οὐκ ἐς πλησμονὰς θηρωμένη,
μήτηρ πατρός σοι προστίθησʼ ἀγάλματα
τῶν σῶν ποτʼ ὄντων· νῦν δέ σʼ ἡ θεοστυγὴς
ἀφείλεθʼ Ἑλένη, πρὸς δὲ καὶ ψυχὴν σέθεν
ἔκτεινε καὶ πάντʼ οἶκον ἐξαπώλεσεν.
1215
ἔθιγες ἔθιγες· ὦ μέγας ἐμοί ποτʼ ἂν
Ἑκάβη
ἃ δʼ ἐν γάμοισι χρῆν σε προσθέσθαι χροῒ
Ἀσιατίδων γήμαντα τὴν ὑπερτάτην,
Φρύγια πέπλων ἀγάλματʼ ἐξάπτω χροός.
1220
σύ τʼ, ὦ ποτʼ οὖσα καλλίνικε, μυρίων
μῆτερ τροπαίων, Ἕκτορος φίλον σάκος,
στεφανοῦ· θανῇ γὰρ οὐ θανοῦσα σὺν νεκρῷ·
ἐπεὶ σὲ πολλῷ μᾶλλον ἢ τὰ τοῦ σοφοῦ
κακοῦ τʼ Ὀδυσσέως ἄξιον τιμᾶν ὅπλα.
1225
Χορός
αἰαῖ αἰαῖ· πικρὸν ὄδυρμα
γαῖά σʼ ὦ τέκνον δέξεται.
Χορός
νεκρῶν ἴακχον.
1230
Χορός
οἴμοι δῆτα σῶν ἀλάστων κακῶν.
Ἑκάβη
τελαμῶσιν ἕλκη τὰ μὲν ἐγώ σʼ ἰάσομαι,
τλήμων ἰατρός, ὄνομʼ ἔχουσα, τἄργα δʼ οὔ·
τὰ δʼ ἐν νεκροῖσι φροντιεῖ πατὴρ σέθεν.
