Stasimon 5
[Episode]
πόλλʼ ἐγγελῶντες τῷ στρατηλάτῃ τʼ ἐμοί.
815
Ἕκτωρ
εὖ νυν τόδʼ ἴστε — Ζεὺς ὀμώμοται πατήρ —
ἤτοι μάραγνά γʼ ἢ καρανιστὴς μόρος
μένει σε δρῶντα τοιάδʼ, ἢ τὸν Ἕκτορα
τὸ μηδὲν εἶναι καὶ κακὸν νομίζετε.
Χορός
μετὰ σέ, ναί, μετὰ σέ, ὦ πολίοχον κράτος,
ἄγγελος ἦλθον ἀμφὶ ναῦς πύρʼ αἴθειν·
ἐπεὶ ἄγρυπνον ὄμμʼ ἐν εὐφρόνῃ
825
οὔτʼ ἐκοίμισʼ οὔτʼ ἔβριξʼ,
οὐ τὰς Σιμοεντιάδας πηγάς· μή μοι
κότον, ὦ ἄνα, θῇς· ἀναίτιος γὰρ
εἰ δὲ χρόνῳ παράκαιρον ἔργον ἢ λόγον
830
ζῶντα πόρευσον· οὐ παραιτοῦμαι.
Ἡνίοχος
τί τοῖσδʼ ἀπειλεῖς βάρβαρός τε βαρβάρου
γνώμην ὑφαιρῇ τὴν ἐμήν, πλέκων λόγους;
σὺ ταῦτʼ ἔδρασας· οὐδένʼ ἂν δεξαίμεθα
835
οὔθʼ οἱ θανόντες οὔτʼ ἂν οἱ τετρωμένοι
ἄλλον· μακροῦ γε δεῖ σε καὶ σοφοῦ λόγου,
ὅτῳ με πείσεις μὴ φίλους κατακτανεῖν,
ἵππων ἐρασθείς, ὧν ἕκατι συμμάχους
τοὺς σοὺς φονεύεις, πόλλʼ ἐπισκήπτων μολεῖν.
840
ἦλθον, τεθνᾶσιν· εὐπρεπέστερον Πάρις
ξενίαν κατῄσχυνʼ ἢ σὺ συμμάχους κτανών.
μὴ γάρ τι λέξῃς ὥς τις Ἀργείων μολὼν
διώλεσʼ ἡμᾶς· τίς δʼ ὑπερβαλὼν λόχους
Τρώων ἐφʼ ἡμᾶς ἦλθεν, ὥστε καὶ λαθεῖν;
845
