Stasimon 6
[Choral 4]
ἐμᾶς ἁρμόσει ποτʼ ἐξ αἰτίας.
Κρέων
ἐγὼ γάρ σʼ ἐγὼ ἔκανον, ὢ μέλεος,
ἐγώ, φάμʼ ἔτυμον. ἰὼ πρόσπολοι,
1320
ἄγετέ μʼ ὅ τι τάχιστʼ, ἄγετέ μʼ ἐκποδών,
τὸν οὐκ ὄντα μᾶλλον ἢ μηδένα.
1325
Χορός
κέρδη παραινεῖς, εἴ τι κέρδος ἐν κακοῖς.
βράχιστα γὰρ κράτιστα τἀν ποσὶν κακά.
Κρέων
φανήτω μόρων ὁ κάλλιστʼ ἔχων
ἐμοὶ τερμίαν ἄγων ἁμέραν
1330
ὅπως μηκέτʼ ἆμαρ ἄλλʼ εἰσίδω.
Χορός
μέλλοντα ταῦτα. τῶν προκειμένων τι χρὴ
πράσσειν. μέλει γὰρ τῶνδʼ ὅτοισι χρὴ μέλειν.
1335
Κρέων
ἀλλʼ ὧν ἐρῶ, τοιαῦτα συγκατηυξάμην.
Χορός
μή νυν προσεύχου μηδέν· ὡς πεπρωμένης
οὐκ ἔστι θνητοῖς συμφορᾶς ἀπαλλαγή.
[Choral 4]
ἄγοιτʼ ἂν μάταιον ἄνδρʼ ἐκποδών,
Κρέων
ὅς, ὦ παῖ, σέ τʼ οὐχ ἑκὼν κάκτανον
1340
σέ τʼ αὖ τάνδʼ, ὤμοι μέλεος, οὐδʼ ἔχω
ὅπᾳ πρὸς πότερα κλιθῶ· πάντα γὰρ
λέχρια τἀν χεροῖν, τὰ δʼ ἐπὶ κρατί μοι
1345
πότμος δυσκόμιστος εἰσήλατο.
