Epeisodion 1
Βασιλεύς
τἀρχαῖον. ἀλλὰ πῶς πατρῷα δώματα
λιπεῖν ἔτλητε; τίς κατέσκηψεν τύχη;
Χορός
ἄναξ Πελασγῶν, αἰόλʼ ἀνθρώπων κακά.
πόνου δʼ ἴδοις ἂν οὐδαμοῦ ταὐτὸν πτερόν·
ἐπεὶ τίς ηὔχει τήνδʼ ἀνέλπιστον φυγὴν
330
κέλσειν ἐς Ἄργος κῆδος ἐγγενὲς τὸ πρίν,
ἔχθει μεταπτοιοῦσαν εὐναίων γάμων;
Βασιλεύς
τί φὴς ἱκνεῖσθαι τῶνδʼ ἀγωνίων θεῶν,
λευκοστεφεῖς ἔχουσα νεοδρέπτους κλάδους;
Χορός
ὡς μὴ γένωμαι δμωὶς Αἰγύπτου γένει.
335
Βασιλεύς
πότερα κατʼ ἔχθραν, ἢ τὸ μὴ θέμις λέγεις;
Χορός
τίς δʼ ἂν φίλους ὠνοῖτο τοὺς κεκτημένους;
Βασιλεύς
σθένος μὲν οὕτως μεῖζον αὔξεται βροτοῖς.
Χορός
καὶ δυστυχούντων γʼ εὐμαρὴς ἀπαλλαγή.
Βασιλεύς
πῶς οὖν πρὸς ὑμᾶς εὐσεβὴς ἐγὼ πέλω;
340
Χορός
αἰτοῦσι μὴ ʼκδοὺς παισὶν Αἰγύπτου πάλιν.
Βασιλεύς
βαρέα σύ γʼ εἶπας, πόλεμον ἄρασθαι νέον.
Χορός
ἀλλʼ ἡ δίκη γε ξυμμάχων ὑπερστατεῖ.
βασιλεύς
εἴπερ γʼ ἀπʼ ἀρχῆς πραγμάτων κοινωνὸς ἦν.
Χορός
αἰδοῦ σὺ πρύμναν πόλεος ὧδʼ ἐστεμμένην.
345
Βασιλεύς
πέφρικα λεύσσων τάσδʼ ἕδρας κατασκίους.
Χορός
βαρύς γε μέντοι Ζηνὸς ἱκεσίου κότος.
