Stasimon 1
[Choral 1]
Παλαίχθονος τέκος, κλῦθί μου
Χορός
πρόφρονι καρδίᾳ, Πελασγῶν ἄναξ.
ἴδε με τὰν ἱκέτιν φυγάδα περίδρομον,
350
λυκοδίωκτον ὡς δάμαλιν ἂμ πέτραις
ἠλιβάτοις, ἵνʼ ἀλκᾷ πίσυνος μέμυ-
κε φράζουσα βοτῆρι μόχθους.
Βασιλεύς
ὁρῶ κλάδοισι νεοδρόποις κατάσκιον
νεύονθʼ ὅμιλον τόνδʼ ἀγωνίων θεῶν.
355
εἴη δʼ ἄνατον πρᾶγμα τοῦτʼ ἀστοξένων.
μηδʼ ἐξ ἀέλπτων κἀπρομηθήτων πόλει
νεῖκος γένηται· τῶν γὰρ οὐ δεῖται πόλις.
Χορός
ἴδοιτο δῆτʼ ἄνατον φυγὰν
ἱκεσία Θέμις Διὸς κλαρίου.
360
σὺ δὲ παρʼ ὀψιγόνου μάθε γεραιόφρων·
ποτιτρόπαιον αἰδόμενος οὖνπερ
θεῶν λήματʼ ἀπʼ ἀνδρὸς ἁγνοῦ.
Βασιλεύς
οὔτοι κάθησθε δωμάτων ἐφέστιοι
365
ἐμῶν. τὸ κοινὸν δʼ εἰ μιαίνεται πόλις,
ξυνῇ μελέσθω λαὸς ἐκπονεῖν ἄκη.
ἐγὼ δʼ ἂν οὐ κραίνοιμʼ ὑπόσχεσιν πάρος,
ἀστοῖς δὲ πᾶσι τῶνδε κοινώσας πέρι.
[Choral 2]
σύ τοι πόλις, σὺ δὲ τὸ δάμιον.
370
Χορός
πρύτανις ἄκριτος ὤν,
κρατύνεις βωμόν, ἑστίαν χθονός,
μονοψήφοισι νεύμασιν σέθεν,
μονοσκήπτροισι δʼ ἐν θρόνοις χρέος
πᾶν ἐπικραίνεις· ἄγος φυλάσσου.
375
Βασιλεύς
ἄγος μὲν εἴη τοῖς ἐμοῖς παλιγκότοις,
ὑμῖν δʼ ἀρήγειν οὐκ ἔχω βλάβης ἄτερ.
