Stasimon 3
[Choral 1]
κλύεις φθέγμα τᾶς βούκερω παρθένου;
Προμηθεύς
πῶς δʼ οὐ κλύω τῆς οἰστροδινήτου κόρης,
τῆς Ἰναχείας; ἣ Διὸς θάλπει κέαρ
590
ἔρωτι, καὶ νῦν τοὺς ὑπερμήκεις δρόμους
Ἥρᾳ στυγητὸς πρὸς βίαν γυμνάζεται.
Ἰώ
πόθεν ἐμοῦ σὺ πατρὸς ὄνομʼ ἀπύεις;
εἰπέ μοι τᾷ μογερᾷ τίς ὤν;
τίς ἄρα μʼ, ὦ τάλας, τὰν τάλαιναν ὧδʼ
595
θεόσυτόν τε νόσον ὠνόμασας, ἃ
μαραίνει με χρίουσα κέντροις, ἰώ,
σκιρτημάτων δὲ νήστισιν
600
αἰκείαις λαβρόσυτος ἦλθον, Ἥρας
600
ἐπικότοισι μήδεσι δαμεῖσα. δυσ-
δαιμόνων δὲ τίνες οἵ, ἓ ἕ,
τέκμηρον ὅ τι μʼ ἐπαμμένει
605
παθεῖν, τί μῆχαρ, ἢ τί φάρμακον νόσου,
θρόει, φράζε τᾷ δυσπλάνῳ παρθένῳ.
