Parodos
[Choral 1]
ἱκέσιον λόχον δουλοσύνας ὕπερ.
Χορός
κῦμα γὰρ περὶ πτόλιν δοχμολόφων ἀνδρῶν
καχλάζει πνοαῖς Ἄρεος ὀρόμενον.
115
ἀλλʼ, ὦ Ζεῦ πάτερ παντελές,
πάντως ἄρηξον δαΐων ἅλωσιν.
Ἀργέιοι δὲ πόλισμα Κάδμου
120
κυκλοῦνται· φόβος δʼ ἀρῄων ὅπλων
δονεῖ, διὰ δέ τοι γενύων ἱππίων
κινύρονται φόνον χαλινοί.
ἑπτὰ δʼ ἀγάνορες πρέποντες στρατοῦ
δορυσσοῖς σαγαῖς πύλαις ἑβδόμαις
125
προσίστανται πάλῳ λαχόντες.
σύ τʼ, ὦ Διογενὲς φιλόμαχον κράτος,
Παλλάς, ὅ θʼ ἵππιος ποντομέδων ἄναξ
130
ἰχθυβόλῳ Ποσειδάων μαχανᾷ,
ἐπίλυσιν φόβων, ἐπίλυσιν δίδου.
σύ τʼ, Ἄρης, φεῦ, φεῦ, πόλιν ἐπώνυμον
135
Κάδμου φύλαξον κήδεσαί τʼ ἐναργῶς.
καὶ Κύπρις, ἅτʼ εἶ γένους προμάτωρ,
140
ἄλευσον· σέθεν γὰρ ἐξ αἵματος
γεγόναμεν· λιταῖσί σε θεοκλύτοις
καὶ σύ, Λύκειʼ ἄναξ, Λύκειος γενοῦ
145
στρατῷ δαΐῳ στόνων ἀντίτας.
α κούρα, τόξον εὐτυκάζου Ἄρτεμι φίλα.
Χορός
ὄτοβον ἁρμάτων ἀμφὶ πόλιν κλύω·
150
