Stasimon 1
[Episode]
οὐ μάντις εἰμὶ τἀφανῆ γνῶναι σαφῶς.
Φαίδρα
τί τοῦθ’, ὃ δὴ λέγουσιν ἀνθρώπους, ἐρᾶν;
Τροφός
ἥδιστον, ὦ παῖ, ταὐτὸν ἀλγεινόν θ’ ἅμα.
Φαίδρα
ἡμεῖς ἂν εἶμεν θατέρῳ κεχρημένοι.
Τροφός
τί φῄς; ἐρᾷς, ὦ τέκνον; ἀνθρώπων τίνος;
350
Φαίδρα
ὅστις ποθ’ οὗτός ἐσθ’, ὁ τῆς Ἀμαζόνος
Φαίδρα
σοῦ τάδ’, οὐκ ἐμοῦ κλύεις.
Τροφός
οἴμοι, τί λέξεις, τέκνον; ὥς μ’ ἀπώλεσας.
γυναῖκες, οὐκ ἀνασχέτ’· οὐκ ἀνέξομαι
ζῶσ’· ἐχθρὸν ἦμαρ, ἐχθρὸν εἰσορῶ φάος.
355
ῥίψω μεθήσω σῶμ’, ἀπαλλαχθήσομαι
βίου θανοῦσα· χαίρετ’· οὐκέτ’ εἴμ’ ἐγώ.
οἱ σώφρονες γὰρ οὐχ ἑκόντες, ἀλλ’ ὅμως
κακῶν ἐρῶσι. Κύπρις οὐκ ἄρ’ ἦν θεός,
ἀλλ’ εἴ τι μεῖζον ἄλλο γίγνεται θεοῦ,
360
ἣ τήνδε κἀμὲ καὶ δόμους ἀπώλεσεν.
[Episode 1]
ἄιες ὤ, ἔκλυες ὤ,
τυράννου πάθεα μέλεα θρεομένας;
— ὀλοίμαν ἔγωγε, πρὶν σὰν φιλίαν
κατανύσαι φρενῶν. ἰώ μοι, φεῦ φεῦ.
365
— ὦ τάλαινα τῶνδ’ ἀλγέων·
— ὦ πόνοι τρέφοντες βροτούς.
— ὄλωλας, ἐξέφηνας ἐς φάος κακά.
— τίς σε παναμέριος ὅδε χρόνος μένει;
— τελευτάσεταί τι καινὸν δόμοις.
370
— ἄσημα δ’ οὐκέτ’ ἐστὶν οἷ φθίνει τύχα
Κύπριδος, ὦ τάλαινα παῖ Κρησία.
[Episode]
Τροζήνιαι γυναῖκες, αἳ τόδ’ ἔσχατον
