Stasimon 2
[Episode]
τίνα θροεῖς αὐδάν; τίνα βοᾷς λόγον;
Χορός
ἔνεπε, τίς φοβεῖ σε φήμα, γύναι,
Φαίδρα
ἀπωλόμεσθα. ταῖσδ’ ἐπιστᾶσαι πύλαις
575
ἀκούσαθ’ οἷος κέλαδος ἐν δόμοις πίτνει.
Χορός
σὺ παρὰ κλῇθρα, σοὶ μέλει πομπίμα
ἔνεπε δ’ ἔνεπέ μοι, τί ποτ’ ἔβα κακόν;
Φαίδρα
ὁ τῆς φιλίππου παῖς Ἀμαζόνος βοᾷ
Ἱππόλυτος, αὐδῶν δεινὰ πρόσπολον κακά.
Χορός
ἀχὰν μὲν κλύω, σαφὲς δ’ οὐκ ἔχω·
585
διὰ πύλας ἔμολεν ἔμολε σοὶ βοά.
Φαίδρα
καὶ μὴν σαφῶς γε τὴν κακῶν προμνήστριαν,
τὴν δεσπότου προδοῦσαν ἐξαυδᾷ λέχος.
590
Χορός
ὤμοι ἐγὼ κακῶν· προδέδοσαι, φίλα.
τὰ κρυπτὰ γὰρ πέφηνε, διὰ δ’ ὄλλυσαι —
Χορός
πρόδοτος ἐκ φίλων.
595
Φαίδρα
ἀπώλεσέν μ’ εἰποῦσα συμφορὰς ἐμάς,
φίλως, καλῶς δ’ οὐ τήνδ’ ἰωμένη νόσον.
Χορός
πῶς οὖν; τί δράσεις, ὦ παθοῦσ’ ἀμήχανα;
Φαίδρα
οὐκ οἶδα πλὴν ἕν· κατθανεῖν ὅσον τάχος,
τῶν νῦν παρόντων πημάτων ἄκος μόνον.
600
Ἱππόλυτος
ὦ γαῖα μῆτερ ἡλίου τ’ ἀναπτυχαί,
οἵων λόγων ἄρρητον εἰσήκουσ’ ὄπα.
Τροφός
σίγησον, ὦ παῖ, πρίν τιν’ αἰσθέσθαι βοῆς.
Ἱππόλυτος
οὐκ ἔστ’ ἀκούσας δείν’ ὅπως σιγήσομαι.
Τροφός
ναὶ πρός σε τῆς σῆς δεξιᾶς εὐωλένου.
605
