Ἀλέξανδρος

Satırlar

1.1 – 2.3 2.4 – 3.3 3.4 – 4.4 4.5 – 5.3 5.4 – 6.3 6.4 – 7.3 7.4 – 8.3 8.4 – 9.5 9.6 – 10.3 10.4 – 11.3 11.4 – 12.2 12.3 – 14.1 14.2 – 15.1 15.2 – 16.2 16.3 – 16.6 16.7 – 17.2 17.3 – 18.3 18.4 – 19.3 19.4 – 20.3 20.4 – 20.8 21.1 – 21.5 22.1 – 22.5 23.1 – 23.5 23.6 – 24.6 24.7 – 25.3 25.4 – 26.3 26.4 – 26.7 27.1 – 27.5 27.6 – 28.3 29.1 – 30.1 30.2 – 30.5 30.6 – 31.3 31.4 – 31.8 32.1 – 32.5 32.6 – 33.4 33.5 – 34.2 35.1 – 35.5 35.6 – 36.2 37.1 – 38.1 38.2 – 39.2 39.3 – 39.7 40.1 – 41.1 41.2 – 42.1 42.2 – 43.1 43.2 – 44.3 45.1 – 46.1 46.2 – 47.3 47.4 – 48.2 48.3 – 49.3 49.4 – 49.8 50.1 – 50.6 51.1 – 51.5 51.6 – 52.4 52.5 – 53.5 54.1 – 55.2 55.3 – 57.1 57.2 – 58.1 58.2 – 59.1 59.2 – 60.2 60.3 – 60.7 60.8 – 62.2 62.3 – 63.3 63.4 – 64.2 64.3 – 65.3 65.4 – 67.1 67.2 – 68.3 68.4 – 69.4 70.1 – 71.1 71.2 – 72.1 72.2 – 73.1 73.2 – 74.2 74.3 – 75.3 75.4 – 77.1 77.2 – 77.5

İngilizce Yunanca

55.3 καίτοι τῶν περὶ Ἑρμόλαον οὐδεὶς οὐδὲ διὰ τῆς ἐσχάτης ἀνάγκης τοῦ Καλλισθένους κατεῖπεν. ἀλλὰ καὶ Ἀλέξανδρος αὐτὸς εὐθὺς Κρατερῷ γράφων καὶ Ἀττάλῳ καὶ Ἀλκέτᾳ φησὶ τοὺς παῖδας βασανιζομένους ὁμολογεῖν ὡς αὐτοὶ ταῦτα πράξειαν, ἄλλος δὲ οὐδεὶς συνειδείη. ὕστερον δὲ γράφων πρὸς Ἀντίπατρον καὶ τὸν Καλλισθένην συνεπαιτιασάμενος,

55.4 οἱ μὲν παῖδες, φησὶν, ὑπὸ τῶν Μακεδόνων κατελεύσθησαν, τὸν δὲ σοφιστὴν ἐγὼ κολάσω καὶ τοὺς ἐκπέμψαντας αὐτὸν καὶ τοὺς ὑποδεχομένους ταῖς πόλεσι τοὺς ἐμοὶ ἐπιβουλεύοντας, ἄντικρυς ἔν γε τούτοις ἀποκαλυπτόμενος πρὸς Ἀριστοτέλην καὶ γὰρ ἐτέθραπτο Καλλισθένης παρʼ αὐτῷ διὰ τὴν συγγένειαν, ἐξ Ἡροῦς γεγονώς, ἀνεψιᾶς Ἀριστοτέλους.

55.5 ἀποθανεῖν δὲ αὐτὸν οἱ μὲν ὑπʼ Ἀλεξάνδρου κρεμασθέντα λέγουσιν, οἱ δὲ ἐν πέδαις δεδεμένον καὶ νοσήσαντα, Χάρης δὲ μετὰ τὴν σύλληψιν ἑπτὰ μῆνας φυλάττεσθαι δεδεμένον, ὡς ἐν τῷ συνεδρίῳ κριθείη παρόντος Ἀριστοτέλους, ἐν αἷς δὲ ἡμέραις Ἀλέξανδρος ἐτρώθη περὶ τὴν Ἰνδίαν, ἀποθανεῖν ὑπέρπαχυν γενόμενον καὶ φθειριάσαντα.

56.1 ταῦτα μὲν οὖν ὕστερον ἐπράχθη. Δημάρατος δὲ ὁ Κορίνθιος ἤδη πρεσβύτερος ὢν ἐφιλοτιμήθη πρὸς Ἀλέξανδρον ἀναβῆναι καὶ θεασάμενος αὑτὸν εἶπε μεγάλης ἡδονῆς ἐστερῆσθαι τοὺς Ἕλληνας, ὅσοι τεθνήκασι πρὶν ἰδεῖν Ἀλέξανδρον ἐν τῷ Δαρείου θρόνῳ καθήμενον. οὐ μὴν ἐπὶ πλέον γε τῆς πρὸς αὑτὸν εὐνοίας τοῦ βασιλέως ἀπέλαυσεν, ἀλλʼ ἐξ ἀρρωστίας ἀποθανὼν ἐκηδεύθη μεγαλοπρεπῶς, καὶ τάφον ἔχωσεν ὁ στρατὸς ἐπʼ αὐτῷ τῇ περιμέτρῳ μέγαν, ὕψος δὲ πηχῶν ὀγδοήκοντα· τὰ δὲ λείψανα τέθριππον κεκοσμημένον λαμπρῶς ἐπὶ θάλασσαν κατεκόμισε.

57.1 μέλλων δὲ ὑπερβάλλειν εἰς τὴν Ἰνδικὴν, ὡς ἑώρα πλήθει λαφύρων τὴν στρατιὰν ἤδη βαρεῖαν καὶ δυσκίνητον οὖσαν, ἅμʼ ἡμέρᾳ συνεσκευασμένων τῶν ἁμαξῶν, πρώτας μὲν ὑπέπρησε τὰς αὐτοῦ καὶ τῶν ἑταίρων, μετὰ δὲ ταύτας ἐκέλευσε καὶ ταῖς τῶν Μακεδόνων ἐνεῖναι πῦρ. καὶ τοῦ πράγματος τὸ βούλευμα μεῖζον ἐφάνη καὶ δεινότερον ἢ τὸ ἔργον.

← Önceki 56 / 74 Sonraki →

Şifre Yenileme