Ἀντώνιος

Satırlar

1.1 – 2.3 2.4 – 3.3 3.4 – 4.2 4.3 – 5.3 5.4 – 6.4 6.5 – 7.4 8.1 – 9.3 9.4 – 10.3 10.4 – 11.3 12.1 – 13.1 13.2 – 14.3 14.4 – 16.2 16.3 – 17.3 18.1 – 18.4 19.1 – 20.3 21.1 – 22.3 22.4 – 24.1 24.2 – 24.6 24.7 – 25.3 25.4 – 26.4 27.1 – 28.2 28.3 – 28.7 29.1 – 30.1 30.2 – 31.3 32.1 – 33.1 33.2 – 34.1 34.2 – 35.1 35.2 – 36.1 36.2 – 37.2 37.3 – 38.2 38.3 – 39.4 39.5 – 40.2 40.3 – 41.2 41.3 – 42.2 42.3 – 43.2 43.3 – 45.1 45.2 – 45.6 46.1 – 47.1 47.2 – 48.2 48.3 – 49.3 49.4 – 51.1 51.2 – 53.2 53.3 – 54.1 54.2 – 54.6 55.1 – 56.3 56.4 – 58.1 58.2 – 58.6 59.1 – 60.1 60.2 – 61.3 62.1 – 63.1 63.2 – 63.6 64.1 – 65.3 65.4 – 66.3 66.4 – 67.4 67.5 – 68.3 68.4 – 69.3 69.4 – 70.4 71.1 – 72.1 72.2 – 73.3 74.1 – 75.2 75.3 – 76.3 76.4 – 77.3 77.4 – 79.1 79.2 – 80.3 81.1 – 83.1 83.2 – 84.2 84.3 – 85.4 86.1 – 86.5 87.1 – 87.4

İngilizce Yunanca

48.3 θορύβου δὲ πολλοῦ καὶ πλάνου τὸ στράτευμα πᾶν ἐπέχοντος ʽᾤοντο γὰρ ἐπιπεπτωκότων τῶν πολεμίων τροπὴν γεγονέναι καὶ διασπασμόνʼ Ἀντώνιος ἕνα καλέσας τῶν δορυφορούντων αὐτὸν ἀπελευθέρων, ὄνομα Ῥάμνον, ὥρκωσεν, ὅταν κελεύσῃ, τὸ ξίφος αὐτοῦ διεῖναι καὶ τὴν κεφαλὴν ἀποτεμεῖν, ὡς μήτε ἁλῴη ζῶν ὑπὸ τῶν πολεμίων μήτε γνωσθείη τεθνηκώς.

48.4 ἐκδακρυσάντων δὲ τῶν φίλων ὁ Μάρδος ἐθάρρυνε τὸν Ἀντώνιον, ὡς ἐγγὺς ὄντος τοῦ ποταμοῦ· καὶ γὰρ αὔρα τις ἀπορρέουσα νοτερὰ καὶ ψυχρότερος ἀὴρ ἀπαντῶν ἡδίω τὴν ἀναπνοὴν ἐποίει, καὶ τὸν χρόνον ἔφη τῆς πορείας οὕτω συμπεραίνειν τὸ μέτρον· οὐκέτι γὰρ ἦν πολὺ τὸ λειπόμενον τῆς νυκτός.

48.5 ἅμα δʼ ἀπήγγελλον ἕτεροι τὸν θόρυβον ἐκ τῆς πρὸς αὑτοὺς ἀδικίας καὶ πλεονεξίας εἶναι. διὸ καὶ καταστῆσαι τὸ πλῆθος εἰς τάξιν ἐκ τῆς πλάνης καὶ τοῦ διασπασμοῦ βουλόμενος ἐκέλευσε σημαίνειν κατάζευξιν.

49.1 ἤδη δʼ ὑπέλαμπεν ἡμέρα, καὶ τοῦ στρατοῦ κόσμον ἀρχομένου τινὰ λαμβάνειν καὶ ἡσυχίαν προσέπιπτε τοῖς τελευταίοις τὰ τῶν Πάρθων τοξεύματα, καὶ μάχης σημεῖον ἐδόθη τοῖς ψιλοῖς. οἱ δὲ ὁπλῖται πάλιν ὁμοίως κατερέψαντες ἀλλήλους τοῖς θυρεοῖς ὑπέμενον τοὺς βάλλοντας ἐγγὺς οὐ τολμῶντας συνελθεῖν.

49.2 ὑπαγόντων δὲ κατὰ μικρὸν οὕτως τῶν πρώτων ὁ ποταμὸς ἐφάνη· καὶ τοὺς ἱππεῖς ἐπʼ αὐτῷ παρατάξας Ἀντώνιος ἐναντίους τοῖς πολεμίοις διεβίβαζε τοὺς ἀσθενεῖς πρώτους. ἤδη δὲ καὶ τοῖς μαχομένοις ἄδεια καὶ ῥᾳστώνη τοῦ πιεῖν ἦν. ὡς γὰρ εἶδον οἱ Πάρθοι τὸν ποταμόν, τάς τε νευρὰς ἀνῆκαν καὶ θαρροῦντας ἐκέλευον διαπερᾶν τοὺς Ῥωμαίους, πολλὰ τὴν ἀρετὴν αὐτῶν ἐγκωμιάζοντες.

49.3 διαβάντες οὖν καθʼ ἡσυχίαν αὑτοὺς ἀνελάμβανον, εἶτα ὥδευον, οὐ πάνυ τι τοῖς Πάρθοις πιστεύοντες. ἕκτῃ δʼ ἡμέρᾳ μετὰ τὴν τελευταίαν μάχην ἐπὶ τὸν Ἀράξην ποταμὸν ἧκον, ὁρίζοντα Μηδίαν καὶ Ἀρμενίαν. ἐφάνη δὲ καὶ βάθει καὶ τραχύτητι χαλεπός· καὶ λόγος διῆλθεν ἐνεδρεύοντας αὐτόθι τοὺς πολεμίους ἐπιθήσεσθαι διαβαίνουσιν αὐτοῖς.

← Önceki 40 / 69 Sonraki →

Şifre Yenileme