Parodos
[Agon]
ὥστʼ ἤδη τὴν ὀργὴν χαλάσας τοὺς σκίπωνας καταβάλλω.
Χορός
ἀλλʼ ὦ τῆς ἡλικίας ἡμῖν τῆς αὐτῆς συνθιασῶτα,
[Choral]
πιθοῦ πιθοῦ λόγοισι, μηδʼ ἄφρων γένῃ
Χορός
μηδʼ ἀτενὴς ἄγαν ἀτεράμων τʼ ἀνήρ.
730
εἴθʼ ὤφελέν μοι κηδεμὼν ἢ ξυγγενὴς
εἶναί τις ὅστις τοιαῦτʼ ἐνουθέτει.
σοὶ δὲ νῦν τις θεῶν παρὼν ἐμφανὴς
ξυλλαμβάνει τοῦ πράγματος,
καὶ δῆλός ἐστιν εὖ ποιῶν·
735
Βδελυκλέων
καὶ μὴν θρέψω γʼ αὐτὸν παρέχων
ὅσα πρεσβύτῃ ξύμφορα, χόνδρον
λείχειν, χλαῖναν μαλακήν, σισύραν,
πόρνην, ἥτις τὸ πέος τρίψει
740
ἀλλʼ ὅτι σιγᾷ κοὐδὲν γρύζει,
τοῦτʼ οὐ δύναταί με προσέσθαι.
Χορός
νενουθέτηκεν αὑτὸν ἐς τὰ πράγμαθʼ, οἶς
τότʼ ἐπεμαίνετʼ· ἔγνωκε γὰρ ἀρτίως,
λογίζεταί τʼ ἐκεῖνα πάνθʼ ἁμαρτίας
745
ἃ σοῦ κελεύοντος οὐκ ἐπείθετο.
νῦν δʼ ἴσως τοῖσι σοῖς λόγοις πείθεται
καὶ σωφρονεῖ μέντοι μεθιστὰς
Φιλοκλέων
ἰώ μοί μοι.
750
Βδελυκλέων
οὗτος τί βοᾷς;
750
Φιλοκλέων
μή μοι τούτων μηδὲν ὑπισχνοῦ.
κείνων ἔραμαι, κεῖθι γενοίμαν,
ἵνʼ ὁ κῆρύξ φησι, ʼτίς ἀψήφιστος; ἀνιστάσθω.ʼ
