Parodos
ἐγὼ γὰρ εἶχον τούσδε τοὺς ἀρυστίχους.
855
Φιλοκλέων
κάλλιστα τοίνυν· πάντα γὰρ πάρεστι νῷν
ὅσων δεόμεθα, πλήν γε δὴ τῆς κλεψύδρας.
Βδελυκλέων
ἡδὶ δὲ δὴ τίς ἐστιν; οὐχὶ κλεψύδρα;
Φιλοκλέων
εὖ γʼ ἐκπορίζεις αὐτὰ κἀπιχωρίως.
Βδελυκλέων
ἀλλʼ ὡς τάχιστα πῦρ τις ἐξενεγκάτω
860
καὶ μυρρίνας καὶ τὸν λιβανωτὸν ἔνδοθεν,
ὅπως ἂν εὐξώμεσθα πρῶτα τοῖς θεοῖς.
[Lyric-Scene]
καὶ μὴν ἡμεῖς ἐπὶ ταῖς σπονδαῖς
φήμην ἀγαθὴν λέξομεν ὑμῖν,
865
ὅτι γενναίως ἐκ τοῦ πολέμου
καὶ τοῦ νείκους ξυνεβήτην.
Βδελυκλέων
εὐφημία μὲν πρῶτα νῦν ὑπαρχέτω.
Χορός
ὦ Φοῖβʼ Ἄπολλον Πύθιʼ ἐπʼ ἀγαθῇ τύχῃ
τὸ πρᾶγμʼ ὃ μηχανᾶται
870
ἔμπροσθεν οὗτος τῶν θυρῶν,
Βδελυκλέων
ὦ δέσποτʼ ἄναξ γεῖτον ἀγυιεῦ προθύρου προπύλαιε,
875
δέξαι τελετὴν καινὴν ὦναξ, ἣν τῷ πατρὶ καινοτομοῦμεν,
παῦσόν τʼ αὐτοῦ τοῦτο τὸ λίαν στρυφνὸν καὶ πρίνινον ἦθος,
ἀντὶ σιραίου μέλιτος μικρὸν τῷ θυμιδίῳ παραμείξας·
ἤδη δʼ εἶναι τοῖς ἀνθρώποις
τοὺς φεύγοντάς τʼ ἐλεεῖν μᾶλλον
880
κἀπιδακρύειν ἀντιβολούντων,
