Parodos
Μνησίλοχος
ἐγὼ δὴ τοῦτο δρῶ.
Τοξότης
ὦ γρᾴδιʼ ὠς καρίεντό σοι τὸ τυγάτριον,
1210
κοὐ δύσκολʼ ἀλλὰ πρᾶο. ποῦ τὸ γρᾴδιο;
οἴμʼ ὠς ἀπόλωλο· ποῦ τὸ γέροντʼ ἐντευτενί;
ὦ γρᾴδιʼ, ὦ γρᾷ. οὐκ ἐπαινῶ γρᾴδιο.
διέβαλλέ μʼ ηʼ γραῦς. ἀπότρεκʼ ὠς τάκιστα σύ·
ὀρτῶς δὲ συβήνη ʼστί· καταβηνῆσι γάρ.
1215
τί δρᾶσι; ποῖ τὸ γρᾴδιʼ; Ἀρταμουξία.
Χορός
τὴν γραῦν ἐρωτᾷς, ἣ ʼφερεν τὰς πηκτίδας;
Τοξότης
ναὶ ναῖκι. εἶδες αὐτό;
αὐτή τʼ ἐκείνη καὶ γέρων τις εἵπετο.
Τοξότης
κροκῶτʼ ἔκοντο τὴ γέροντο;
1220
ἔτʼ ἂν καταλάβοις, εἰ διώκοις ταυτῃί.
Τοξότης
ὦ μιαρὸ γρᾶο· πότερα τρέξι τὴν ὀδό;
Χορός
ὀρθὴν ἄνω δίωκε. ποῖ θεῖς; οὐ πάλιν
τῃδὶ διώξει; σʼ τοὔμπαλιν τρέχεις σύ γε.
Τοξότης
κακόδαιμον, ἀλλὰ τρέξι. Ἀρταμουξία.
1225
[Exodus]
τρέχε νυν κατὰ τοὺς κόρακας ἐπουρίσας, τρέχε.
Χορός
ἀλλὰ πέπαισται μετρίως ἡμῖν·
ὥσθʼ ὥρα δή ʼστι βαδίζειν
οἴκαδʼ ἑκάστῃ. τὼ Θεσμοφόρω δʼ
τούτων χάριν ἀνταποδοίτην.
