Parodos
[Lyric-Scene]
ἔλεγέ μοι τῶν ἐπιτυχόντων,
1375
Χορός
ἐπιθόμην, ἀλλʼ ᾠόμην ἂν
Διόνυσος
ἴθι δὴ παρίστασθον παρὰ τὼ πλάστιγγʼ,
Αἰσχύλος καί Εὐριπίδης
ἰδού.
Διόνυσος
καὶ λαβομένω τὸ ῥῆμʼ ἑκάτερος εἴπατον,
καὶ μὴ μεθῆσθον, πρὶν ἂν ἐγὼ σφῷν κοκκύσω.
1380
Αἰσχύλος καὶ Εὐριπίδης
ἐχόμεθα.
Διόνυσος
τοὔπος νῦν λέγετον ἐς τὸν σταθμόν.
Εὐριπίδης
εἴθʼ ὤφελʼ Ἀργοῦς μὴ διαπτάσθαι σκάφος.
Αἰσχύλος
Σπερχειὲ ποταμὲ βουνόμοι τʼ ἐπιστροφαί.
Διόνυσος
κόκκυ, μέθεσθε· καὶ πολύ γε κατωτέρω
Εὐριπίδης
καὶ τί ποτʼ ἐστὶ ταἴτιον;
1385
Διόνυσος
ὅτι εἰσέθηκε ποταμόν, ἐριοπωλικῶς
ὑγρὸν ποιήσας τοὔπος ὥσπερ τἄρια,
σὺ δʼ εἰσέθηκας τοὔπος ἐπτερωμένον.
Εὐριπίδης
ἀλλʼ ἕτερον εἰπάτω τι κἀντιστησάτω.
Διόνυσος
λάβεσθε τοίνυν αὖθις.
1390
Αἰσχύλος καί Εὐριπίδης
ἢν ἰδού.
1390
Εὐριπίδης
οὐκ ἔστι Πειθοῦς ἱερὸν ἄλλο πλὴν λόγος.
Αἰσχύλος
μόνος θεῶν γὰρ Θάνατος οὐ δώρων ἐρᾷ.
Διόνυσος
μέθεσθε μέθεσθε· καὶ τὸ τοῦδέ γʼ αὖ ῥέπει·
θάνατον γὰρ εἰσέθηκε βαρύτατον κακόν.
Εὐριπίδης
ἐγὼ δὲ πειθώ γʼ ἔπος ἄριστʼ εἰρημένον.
1395
Διόνυσος
πειθὼ δὲ κοῦφόν ἐστι καὶ νοῦν οὐκ ἔχον.
ἀλλʼ ἕτερον αὖ ζήτει τι τῶν βαρυστάθμων,
ὅ τι σοι καθέλξει, καρτερόν τε καὶ μέγα.
Εὐριπίδης
φέρε ποῦ τοιοῦτον δῆτά μοὐστί; ποῦ;
