Kitap 6
18.3
Neque nobis licet ratione deducta imperium habere in quantum volumus, sed necessitas cogit, quando io hoc loco constituti sumus, aliis insidiari, alios non misso» facere, quod periculum nobis ipsis immineat, ne aliorum imperio pareamus, nisi ipsi aliis imperemus. Neque eodem modo nobis, quo ceteris, ratio quietis est habenda, nisi etiam studia vestra in illorum similitudinem commutabitis.
18.4
Considerantes igitur fore ut has res magis augeamus, si ad illas proficiscamur, hanc expeditionem suscipiamus, ut Peloponnesiorum spiritus deprimamus, si contempta videbimur praesenti quiete in Siciliam etiam trajicere; et simul, etiam aut Graeciae totius, ut probabile est, imperium obtinebimus, rebus illis in nostram potestatem redactis, aut saltem malo Syracusanos afficiemus, unde et nos ipsi et socii utilitatem percipiemus.
18.5
Tuto autem et manendi, ai quis se nobis dedat, et abeundi facultatem naves praestabunt; maris enim imperium etiam in universos Sicilienses obtinebimus.
18.6
Neque vero Niciae oratio, quae quietem vobis suadet, et dissidium inter juvenes et senes excitat, vos avertat, sed consueto ordine quemadmodum et majores nostri res in hunc statum extulerunt, dum juniores um cum senioribus consultant, nunc etiam eadem ratione rempublicam amplificare conemini, et existimetis, juventutem ac senectutem, alteram sine altera, nihil posse, sed sin»· quior aetas et media et maxime circumspecta sint, simul permixtae, maximas iis vires esse, et rempublicam, si qjne-scat, ipsam per se attritum iri, ut alias res, et foturum, ut omnium disciplina consenescat, sed si bella gerat, peritiam sibi semper adjuncturam, et usum adepturam, quo non verbis, sed factis potius se tueri possit.
18.7
In summa ita sentio, civitatem negotiosam, si negotium cum otio commutet, meo judicio confestim everti, et illos homines tutissime degere vitam, qui praesentibus institutis legibusque, quamvis sint deteriores, in civitatibus, minime discordes vivunt. »
