Parodos
[Episode]
ὄρεγέ νυν ὄρεγε γεραιὰν νέᾳ
Ἀντιγόνη
χεῖρʼ ἀπὸ κλιμάκων
ποδὸς ἴχνος ἐπαντέλλων.
105
Παιδαγωγός
ἰδοὺ ξύναψον, παρθένʼ· ἐς καιρὸν δʼ ἔβης·
κινούμενον γὰρ τυγχάνει Πελασγικὸν
στράτευμα, χωρίζουσι δʼ ἀλλήλων λόχους.
Λατοῦς Ἑκάτα, κατάχαλκον ἅπαν
110
Παιδαγωγός
οὐ γάρ τι φαύλως ἦλθε Πολυνείκης χθόνα,
πολλοῖς μὲν ἵπποις, μυρίοις δʼ ὅπλοις βρέμων.
Ἀντιγόνη
ἆρα πύλαι κλῄθροις — χαλκόδετʼ ἆρʼ ἔμβολα
λαϊνέοισιν Ἀμφίονος ὀργάνοις
115
Παιδαγωγός
θάρσει· τά γʼ ἔνδον ἀσφαλῶς ἔχει πόλις.
ἀλλʼ εἰσόρα τὸν πρῶτον, εἰ βούλῃ μαθεῖν.
Ἀντιγόνη
τίς οὗτος ὁ λευκολόφας,
πρόπαρ ὃς ἁγεῖται στρατοῦ πάγχαλκον ἀσπίδʼ
120
Παιδαγωγός
λοχαγός, ὦ δέσποινα.
Ἀντιγόνη
τίς, πόθεν γεγώς;
αὔδασον, ὦ γεραιέ, τίς ὀνομάζεται;
Παιδαγωγός
οὗτος Μυκηναῖος μὲν αὐδᾶται γένος,
125
Λερναῖα δʼ οἰκεῖ νάμαθʼ, Ἱππομέδων ἄναξ.
Ἀντιγόνη
ἒ ἒ ὡς γαῦρος, ὡς φοβερὸς εἰσιδεῖν,
γίγαντι γηγενέτᾳ προσόμοιος
ἀστερωπὸς ἐν γραφαῖσιν, οὐχὶ πρόσφορος
Παιδαγωγός
τὸν δʼ ἐξαμείβοντʼ οὐχ ὁρᾷς Δίρκης ὕδωρ;
Ἀντιγόνη
ἄλλος ἄλλος ὅδε τευχέων τρόπος.
