Stasimon 5
[Episode]
ἰὼ, ἰώ, δαίμονος τύχα βαρεῖα. φεῦ φεῦ.
σῖγα πᾶς ὕφιζʼ· ἴσως γὰρ ἐς βόλον τις ἔρχεται.
730
Χορός
συμμάχων τις ὁ στένων.
δύστηνος ἐγώ· σύ τʼ, ἄναξ Θρῃκῶν,
ὦ στυγνοτάτην Τροίαν ἐσιδών,
οἷόν σε βίου τέλος εἷλεν.
735
Χορός
τίς εἶ ποτʼ ἀνδρῶν συμμάχων; κατʼ εὐφρόνην
ἀμβλῶπες αὐγαὶ κοὔ σε γιγνώσκω τορῶς.
Ἡνίοχος
ποῦ τινʼ ἀνάκτων Τρωικῶν εὕρω;
τὸν ὑπασπίδιον κοῖτον ἰαύει;
740
τίνι σημήνω διόπων στρατιᾶς
οἷα πεπόνθαμεν, οἷά τις ἡμᾶς
δράσας ἀφανῆ φροῦδος, φανερὸν
Θρῃξὶν πένθος τολυπεύσας;
Χορός
κακὸν κυρεῖν τι Θρῃκίῳ στρατεύματι
745
ἔοικεν, οἷα τοῦδε γιγνώσκω κλύων.
Ἡνίοχος
ἔρρει στρατιά, πέπτωκεν ἄναξ
οἵα μʼ ὀδύνη τείρει φονίου
750
τραύματος εἴσω. πῶς ἂν ὀλοίμην;
χρῆν γάρ μʼ ἀκλεῶς Ῥῆσόν τε θανεῖν,
Τροίᾳ κέλσαντʼ ἐπίκουρον;
Χορός
τάδʼ οὐκ ἐν αἰνιγμοῖσι σημαίνει κακά·
σαφῶς γὰρ αὐδᾷ συμμάχους ὀλωλότας.
755
