Stasimon 5
[Episode]
ἰατορίας, ὃς τήνδʼ ἄτην
Ἡρακλῆς
χωρὶς Ζηνὸς κατακηλήσει;
θαῦμʼ ἂν πόρρωθεν ἰδοίμην.
Ἡρακλῆς
ἐᾶτέ μʼ, ἐᾶτέ με δύσμορον ὕστατον,
1005
[Choral 2]
πᾷ πᾷ μου ψαύεις; ποῖ κλίνεις;
Ἡρακλῆς
ἀπολεῖς μʼ, ἀπολεῖς.
ἀνατέτροφας ὅ τι καὶ μύσῃ.
ἧπταί μου, τοτοτοῖ, ἥδʼ αὖθʼ ἕρπει. πόθεν ἔστʼ, ὦ
1010
πάντων Ἑλλάνων ἀδικώτατοι ἀνέρες, οὓς δὴ
πολλὰ μὲν ἐν πόντῳ κατά τε δρία πάντα καθαίρων
ὠλεκόμαν ὁ τάλας, καὶ νῦν ἐπὶ τῷδε νοσοῦντι
οὐ πῦρ, οὐκ ἔγχος τις ὀνήσιμον οὐκ ἐπιτρέψει;
Ἡρακλῆς
οὐδʼ ἀπαράξαι κρᾶτα βίᾳ θέλει
1015
μολὼν τοῦ στυγεροῦ; φεῦ φεῦ.
Πρέσβυς
ὦ παῖ τοῦδʼ ἀνδρός, τοὔργον τόδε μεῖζον ἀνήκει
ἢ κατʼ ἐμὰν ῥώμαν· σὺ δὲ σύλλαβε. σοὶ γὰρ ἑτοίμα
ἐς πλέον ἢ διʼ ἐμοῦ σῴζειν.
Ὕλλος
ψαύω μὲν ἔγωγε,
1020
λαθίπονον δʼ ὀδυνᾶν οὔτʼ ἔνδοθεν οὔτε θύραθεν
ἔστι μοι ἐξανύσαι βίοτον· τοιαῦτα νέμει Ζεύς.
[Choral 3]
ὦ παῖ, ποῦ ποτʼ εἶ; τᾷδέ με τᾷδέ με
Ἡρακλῆς
πρόσλαβε κουφίσας. ἒ ἔ, ἰὼ δαῖμον.
1025
[Choral 2]
θρῴσκει δʼ αὖ, θρῴσκει δειλαία
ἀποτίβατος ἀγρία νόσος.
1030
ὦ Παλλὰς Παλλάς, τόδε μʼ αὖ λωβᾶται. ἰὼ παῖ,
τὸν φύτορʼ οἰκτίρας, ἀνεπίφθονον εἴρυσον ἔγχος,
