Epeisodion 1
Ἀντιγόνη
πώλου βεβῶσαν· κρατὶ δʼ ἡλιοστεγὴς
κυνῆ πρόσωπα Θεσσαλίς νιν ἀμπέχει.
ἆρʼ ἔστιν; ἆρʼ οὐκ ἔστιν; ἢ γνώμη πλανᾷ;
καὶ φημὶ κἀπόφημι κοὐκ ἔχω τί φῶ.
οὐκ ἔστιν ἄλλη· φαιδρὰ γοῦν ἀπʼ ὀμμάτων
σαίνει με προσστείχουσα· σημαίνει δʼ ὅτι
320
μόνης τόδʼ ἐστὶ δῆλον Ἰσμήνης κάρα.
Οἰδίπους
πῶς εἶπας, ὦ παῖ;
Ἀντιγόνη
παῖδα σήν, ἐμὴν δʼ ὁρᾶν
ὅμαιμον· αὐδῇ δʼ αὐτίκʼ ἔξεστιν μαθεῖν.
Ἰσμήνη
ὦ δισσὰ πατρὸς καὶ κασιγνήτης ἐμοὶ
ἥδιστα προσφωνήμαθʼ, ὡς ὑμᾶς μόλις
325
εὑροῦσα λύπῃ δεύτερον μόλις βλέπω.
Οἰδίπους
ὦ τέκνον, ἥκεις;
Ἰσμήνη
ὦ πάτερ δύσμοιρʼ ὁρᾶν.
Οἰδίπους
τέκνον, πέφηνας;
Ἰσμήνη
οὐκ ἄνευ μόχθου γέ μοι.
Οἰδίπους
πρόσψαυσον, ὦ παῖ.
Ἰσμήνη
θιγγάνω δυοῖν ὁμοῦ.
Οἰδίπους
ὦ σπέρμʼ ὅμαιμον.
330
Ἰσμήνη
ὦ δυσάθλιαι τροφαί.
330
Ἰσμήνη
δυσμόρου τʼ ἐμοῦ τρίτης.
Οἰδίπους
τέκνον, τί δʼ ἦλθες;
Ἰσμήνη
σῇ, πάτερ, προμηθίᾳ.
Ἰσμήνη
καὶ λόγων γʼ αὐτάγγελος,
ξὺν ᾧπερ εἶχον οἰκετῶν πιστῷ μόνῳ.
