Epeisodion 3
Χορός
τί δρᾷς, ὦ ξένʼ; οὐκ ἀφήσεις; τάχʼ εἰς βάσανον εἶ χερῶν.
Χορός
σοῦ μὲν οὔ, τάδε γε μωμένου.
835
Κρέων
πόλει μαχεῖ γάρ, εἴ τι πημανεῖς ἐμέ.
Οἰδίπους
οὐκ ἠγόρευον ταῦτʼ ἐγώ;
Κρέων
μὴ ʼπίτασσʼ ἃ μὴ κρατεῖς.
Χορός
χαλᾶν λέγω σοι.
840
Κρέων
σοὶ δʼ ἔγωγʼ ὁδοιπορεῖν.
840
Χορός
πρόβαθʼ ὧδε, βᾶτε βᾶτʼ, ἔντοποι·
πόλις ἐναίρεται, πόλις ἐμά, σθένει· πρόβαθʼ ὧδέ μοι.
Ἀντιγόνη
ἀφέλκομαι δύστηνος, ὦ ξένοι ξένοι.
Οἰδίπους
ποῦ, τέκνον, εἴ μοι;
Ἀντιγόνη
πρὸς βίαν πορεύομαι.
Οἰδίπους
ὄρεξον, ὦ παῖ, χεῖρας.
845
Ἀντιγόνη
ἀλλʼ οὐδὲν σθένω.
845
Οἰδίπους
ὦ τάλας ἐγώ, τάλας.
Κρέων
οὔκουν ποτʼ ἐκ τούτοιν γε μὴ σκήπτροιν ἔτι
ὁδοιπορήσῃς· ἀλλʼ ἐπεὶ νικᾶν θέλεις
πατρίδα τε τὴν σὴν καὶ φίλους, ὑφʼ ὧν ἐγὼ
850
ταχθεὶς τάδʼ ἔρδω, καὶ τύραννος ὢν ὅμως,
νίκα. χρόνῳ γάρ, οἶδʼ ἐγώ, γνώσει τάδε,
ὁθούνεκʼ αὐτὸς αὑτὸν οὔτε νῦν καλὰ
δρᾷς οὔτε πρόσθεν εἰργάσω βίᾳ φίλων,
ὀργῇ χάριν δούς, ἥ σʼ ἀεὶ λυμαίνεται.
855
Χορός
ἐπίσχες αὐτοῦ, ξεῖνε.
