Stasimon 7
[Episode]
ἀλλʼ ἀντʼ ἀγαθῶν ἀγαθοῖσι βρύοις,
πέμψον δὲ πρόφρων δεῦρʼ ἡμέτερον
πατέρʼ εὐθαρσῆ Δαναόν, πρόνοον
καὶ βούλαρχον. τοῦ γὰρ προτέρα
970
μῆτις, ὅπου χρὴ δώματα ναίειν
καὶ τόπος εὔφρων. πᾶς τις ἐπειπεῖν
εὔτυκος· εἴη δὲ τὰ λῷστα.
σύν τʼ εὐκλείᾳ καὶ ἀμηνίτῳ
975
τάσσεσθε, φίλαι δμωίδες, οὕτως
ὡς ἐφʼ ἑκάστῃ διεκλήρωσεν
Δαναὸς θεραποντίδα φερνήν.
Δαναός
ὦ παῖδες, Ἀργείοισιν εὔχεσθαι χρεών,
980
θύειν τε λείβειν θʼ, ὡς θεοῖς, Ὀλυμπίοις,
σπονδάς, ἐπεὶ σωτῆρες οὐ διχορρόπως.
καί μου τὰ μὲν πραχθέντα πρὸς τοὺς ἐγγενεῖς
φίλους πικρῶς ἤκουσαν αὐτανεψίοις·
ἐμοὶ δʼ ὀπαδοὺς τούσδε καὶ δορυσσόους
985
ἔταξαν, ὡς ἔχοιμι τίμιον γέρας,
καὶ μὴ ʼξ ἀέλπτων δορικανεῖ μόρῳ θανὼν
λάθοιμι, χώρᾳ δʼ ἄχθος ἀείζων πέλοι.
τοιῶνδε τυγχάνοντας ἐκ πρυμνῆς φρενὸς
χάριν σέβεσθαι τιμιωτέραν χρεών.
990
καὶ ταῦθʼ ἅμʼ ἐγγράψασθε πρὸς γεγραμμένοις
πολλοῖσιν ἄλλοις σωφρονίσμασιν πατρός,
ἀγνῶθʼ ὅμιλον ἐξελέγχεσθαι χρόνῳ.
πᾶς δʼ ἐν μετοίκῳ γλῶσσαν εὔτυκον φέρει
