Epeisodion 1
Βασιλεύς
κἄκρυπτά γʼ Ἥρας ταῦτα τἀμπαλάγματα.
Χορός
πῶς οὖν τελευτᾷ βασιλέων νείκη τάδε;
Βασιλεύς
βοῦν τὴν γυναῖκʼ ἔθηκεν Ἀργεία θεός.
Χορός
οὔκουν πελάζει Ζεὺς ἐπʼ εὐκραίρῳ βοΐ;
300
Βασιλεύς
φασίν, πρέποντα βουθόρῳ ταύρῳ δέμας.
Χορός
τί δῆτα πρὸς ταῦτʼ ἄλοχος ἰσχυρὰ Διός;
Βασιλεύς
τὸν πάνθʼ ὁρῶντα φύλακʼ ἐπέστησεν βοΐ.
Χορός
ποῖον πανόπτην οἰοβουκόλον λέγεις;
Βασιλεύς
Ἄργον, τὸν Ἑρμῆς παῖδα γῆς κατέκτανεν.
305
Χορός
τί οὖν ἔτευξεν ἄλλο δυσπότμῳ βοΐ;
Βασιλεύς
βοηλάτην μύωπα κινητήριον.
Χορός
οἶστρον καλοῦσιν αὐτὸν οἱ Νείλου πέλας.
Βασιλεύς
τοιγάρ νιν ἐκ γῆς ἤλασεν μακρῷ δρόμῳ.
Χορός
καὶ ταῦτʼ ἔλεξας πάντα συγκόλλως ἐμοί.
310
Βασιλεύς
καὶ μὴν Κάνωβον κἀπὶ Μέμφιν ἵκετο.
Χορός
καὶ Ζεύς γʼ ἐφάπτωρ χειρὶ φιτύει γόνον.
Βασιλεύς
τίς οὖν ὁ Δῖος πόρτις εὔχεται βοός;
Χορός
Ἔπαφος ἀληθῶς ῥυσίων ἐπώνυμος.
315
Χορός
Λιβύη, μέγιστον γῆς πέδον καρπουμένη.
Βασιλεύς
τίνʼ οὖν ἔτʼ ἄλλον τῆσδε βλαστημὸν λέγεις;
Χορός
Βῆλον δίπαιδα πατέρα τοῦδʼ ἐμοῦ πατρός.
Βασιλεύς
τὸ πάνσοφον νῦν ὄνομα τοῦτό μοι φράσον.
320
Χορός
Δαναός, ἀδελφὸς δʼ ἐστὶ πεντηκοντάπαις.
Βασιλεύς
καὶ τοῦδʼ ἄνοιγε τοὔνομʼ ἀφθόνῳ λόγῳ.
Χορός
Αἴγυπτος. εἰδὼς δʼ ἁμὸν ἀρχαῖον γένος
πράσσοις ἂν ὡς Ἀργεῖον ἀνστήσῃς στόλον.
Βασιλεύς
δοκεῖτε δή μοι τῆσδε κοινωνεῖν χθονὸς
325
