Stasimon 1
[Choral 2]
οὐδʼ αὖ τόδʼ εὖφρον, τάσδʼ ἀτιμάσαι λιτάς.
Βασιλεύς
ἀμηχανῶ δὲ καὶ φόβος μʼ ἔχει φρένας
δρᾶσαί τε μὴ δρᾶσαί τε καὶ τύχην ἑλεῖν.
380
Χορός
τὸν ὑψόθεν σκοπὸν ἐπισκόπει,
βροτῶν, οἳ τοῖς πέλας προσήμενοι
δίκας οὐ τυγχάνουσιν ἐννόμου.
μένει τοι Ζηνὸς ἱκταίου κότος
385
δυσπαραθέλκτους παθόντος οἴκτοις.
Βασιλεύς
εἴ τοι κρατοῦσι παῖδες Αἰγύπτου σέθεν
νόμῳ πόλεως, φάσκοντες ἐγγύτατα γένους
εἶναι, τίς ἂν τοῖσδʼ ἀντιωθῆναι θέλοι;
δεῖ τοί σε φεύγειν κατὰ νόμους τοὺς οἴκοθεν,
390
ὡς οὐκ ἔχουσιν κῦρος οὐδὲν ἀμφὶ σοῦ.
[Choral 3]
μή τί ποτʼ οὖν γενοίμαν ὑποχείριος
Χορός
κράτεσιν ἀρσένων. ὕπαστρον δέ τοι
μῆχαρ ὁρίζομαι γάμου δύσφρονος
φυγάν· ξύμμαχον δʼ ἑλόμενος δίκαν
395
κρῖνε σέβας τὸ πρὸς θεῶν.
Βασιλεύς
οὐκ εὔκριτον τὸ κρῖμα. μή μʼ αἱροῦ κριτήν.
εἶπον δὲ καὶ πρίν, οὐκ ἄνευ δήμου τάδε
πράξαιμʼ ἄν, οὐδέ περ κρατῶν, μὴ καί ποτε
εἴπῃ λεώς, εἴ πού τι μὴ τοῖον τύχοι,
400
ἐπήλυδας τιμῶν ἀπώλεσας πόλιν.
Χορός
ἀμφοτέρους ὁμαίμων τάδʼ ἐπισκοπεῖ
Ζεὺς ἑτερορρεπής, νέμων εἰκότως
ἄδικα μὲν κακοῖς, ὅσια δʼ ἐννόμοις.
τί τῶνδʼ ἐξ ἴσου ῥεπομένων μεταλ-
405
Βασιλεύς
δεῖ τοι βαθείας φροντίδος σωτηρίου,
