Stasimon 6
[Choral]
τί δʼ ἄλλο γʼ ἢ πόνοι πόνων
ἀλλὰ γόων, ὦ φίλαι, κατʼ οὖρον
ἐρέσσετʼ ἀμφὶ κρατὶ πόμπιμον χεροῖν
855
πίτυλον, ὃς αἰὲν διʼ Ἀχέροντʼ ἀμείβεται
τὰν ἄστολον μελάγκροκον ναύστολον θεωρίδα,
τὰν ἀστιβῆ Ἀπόλλωνι, τὰν ἀνάλιον
πάνδοκον εἰς ἀφανῆ τε χέρσον.
860
ἀλλὰ γὰρ ἥκουσʼ αἵδʼ ἐπὶ πρᾶγος
πικρὸν Ἀντιγόνη τʼ ἠδʼ Ἰσμήνη,
θρῆνον ἀδελφοῖν· οὐκ ἀμφιβόλως
οἶμαί σφʼ ἐρατῶν ἐκ βαθυκόλπων
στηθέων ἥσειν ἄλγος ἐπάξιον.
865
ἡμᾶς δὲ δίκη πρότερον φήμης
τὸν δυσκέλαδόν θʼ ὕμνον Ἐρινύος
ἐχθρὸν παιᾶνʼ ἐπιμέλπειν.
870
ἰώ, δυσαδελφόταται πασῶν ὁπόσαι
στρόφον ἐσθῆσιν περιβάλλονται,
κλαίω, στένομαι, καὶ δόλος οὐδεὶς
μὴ ʼκ φρενὸς ὀρθῶς με λιγαίνειν.
[Choral 1]
ἰὼ ἰὼ δύσφρονες,
875
Χορός
φίλων ἄπιστοι καὶ κακῶν ἀτρύμονες,
μέλεοι δῆθʼ οἳ μελέους θανάτους
εὕροντο δόμων ἐπὶ λύμῃ.
880
ἐρειψίτοιχοι καὶ πικρὰς μοναρχίας
